بیرلشگن ملتلر تشکیلاتینینگ تینچلیکنی سقلش کوچلری (یونیفل) جَنوبي لبنانده بیر تینچلیکپرور هلاک بۉلگنی و ینه بیر تینچلیکپرور آغیر یره آلگنینی معلوم قیلدی.
یونیفل بوگون تانگده (دوشنبه،۱۰حمل) ایکس اجتماعی ترماغیده خبر بېریب، بو تینچلیکپرورلر جَنوبي لبناندهگی عدشیت القصیر شهریده ماین پارتلشی نتیجهسیده هلاک بۉلگنی و یرهلنگنینی بیلدیرگن.
بیرلشگن ملتلر تشکیلاتی تینچلیکنی سقلش کوچلری بو سناریدنینگ انیق منبعسی حاضرچه نامعلوم اېکنینی و بو بارهده تېرگاو باشلنگنینی ایتگن.
اولر برچه تامانلردن خلقارا حقوق بۉییچه اۉز مجبوريتلریگه عمل قیلیشنی و بیرلشگن ملتلر تشکیلاتی خادملری همده ملکلرینینگ هر دایم خوفسیزلیگینی تأمینلشنی، جملهدن تینچلیکپرورلرنی خوف آستیگه قۉییشی ممکن بۉلگن هر قندهی حرکتلردن تيیلیشنی سۉرهگن.
بیرلشگن ملتلر تشکیلاتی باش کاتبی آنتونیو گوترش بو حادثهده هلاک بۉلگن و یرهلنگن تینچلیکپرورلر اندونیزیا وطنداشلری اېکنینی بیلدیرگن.
او تینچلیکپرورلرگه هجومنی قتّيق قارهلب، بو سۉنگگی پیتلرده تینچلیکپرورلرنینگ خوفسیزلیگینی خوف آستیگه قۉیگن بیر قطار واقعهلردن فقط بیری اېکنینی ایتگن.
بیرلشگن ملتلر تشکیلاتی باش کاتبی برچه تامانلرنی خلقارا حقوق دایرهسیدهگی مجبوريتلرگه رعایه قیلیشگه و هر دایم تشکیلات خادملری همده ملکلرینینگ خوفسیزلیگینی تأمینلشگه چقیرگن.
