خلق ارا عامهوي اخبارات واسطهلرینینگ خبر بېریشیچه، امریکا قۉشمه ایالتلریده «پادشاه یۉق» ناملی اوچینچی عامهوي ناراضیلیک نمایشلری دایرهسیده شنبه کونی مینگلب آدملر کۉچهلرگه چیقدی.
رویترز آژانسیگه کۉره، مملکتنینگ ۵۰ایالتیده اوچ مینگ ۲۰۰ دن آرتیق ناراضیلیک نمایشلری بۉلیب اۉتگن. نمایشچیلر دونالد ترامپ سیاستلریگه جملهدن ایرانگه هجوملر، مهاجرلرنی دېپورت قیلیش و یشش نرخینینگ آشیشیگه قرشی چیقیشگن.
گزارشده ایتیلیشیچه، نیویارک، واشنگتن، دلّاس و فیلادلفیا کبی ییریک شهرلرده کتّه ییغیلیشلر بۉلگن، بیراق تشکیلاتچیلر کیچیک شهرلرده اشتراک اوّلگی دورلرگه نسبتاً۴۰ فایزگه آشگنینی بیلدیرگن.
بعضی شهرلردهگی نمایشلرده تنیقلی شخصلر هم اشتراک اېتگن، جملهدن سناتور برنی ساندرز سنا مجلس اعضاسی، تیم والز، فرماندار مینهسوتا و رابرت دنیرو.
رابرت دنیرو نیویارکدهگی میتینگده سۉزلب، ترامپدن آلدین هېچ بیر جمهور رییس «اېرکینلیک و خوفسیزلیک اوچون بوندهی تهدید» توغدیرمهگنینی ایتگن.
رویترزنینگ یازیشیچه، واشنگتندهگی یوریشده قتنهشگن۴۵ یاشلی بیر امریکالیک امریکانینگ ایرانگه هجومیدن غضبلنگنینی بیلدیریب، بونی «احماقانه اوروش» دېب اتهگن.
ینه بیر نمایشچی دالاسده «ترامپ مخالفتنی بیرلشتیریب یوباردی، اېندی جیم تورالمهیمیز» دېگن.
بعضی شهرلرده، جملهدن لاس انجلسده، نمایشچیلر فدرال پولیس بیلن تۉقنهشگن و اَیریملر حبسگه آلینگن.
بو«پادشاه یۉق» حرکتینینگ اوچینچی ییریک باسقیچی بۉلیب، اوّلگی نمایشلر میلیونلب آدملرنی جلب قیلگن اېدی. حاضرگی نمایشلر امریکاده یقینلشهیاتگن آرهلیق سیلاولر یانیده اۉتماقده و بو حالت دونالد ترامپ همده جمهوریتچیلر اوچون سیاسي باسیمنی کوچهیتیریشی ممکن.
