امریکا جمهور رییسی دونالد ترامپ، ایران حکومتی سۉراویگه بناءً اوشبو مملکتنینگ برق استشنلریگه هجومنی ینه۱۰کونگه کېچیکتیرگنینی ایتدی.
ترومپ تروثسوشیال اجتماعي ترماغیده یازیشیچه، او بو هجومنی دوشنبه کېچهسی ساعت۸:۰۰گچه (۶ حمل– ۱۷ حمل) امریکا شرقي وقتی بیلن آرتگه سورگن.
مذاکرهلر دوام اېتماقده و عامهوي اخبارات واسطهلری همده باشقهلرنینگ ناتۉغری بیاناتلریگه قرهمهی، جریان یخشی کېتماقده دېدی ترامپ.
دونالد ترامپ اوّلراق ایرانگه۴۸ ساعت مهلت بېرگن اېدی، یعنی هرمزنی تهدیدسیز و تۉلیق آچیشی کېرهکلیگینی ایتگن، عکس حالده بو مملکتنینگ برق استشنلرینی نشانگه آلیب، یۉق قیلیش بیلن تهدید قیلگن.
بیراق او شو هفتهنینگ دوشنبهسیده امریکا قۉشمه ایالتلری و ایران اۉرتهسیده یخشی و ثمرهلی مذاکرهلر اۉتکزیلگنینی معلوم قیلیب، شو سببلی هجومنی بېش کونگه کېچیکتیرگنینی بیلدیرگن.
اېندیلیکده ترامپ اوشبو هجومنی ایراننینگ التماسی و مذاکرهلر دوام اېتهیاتگنی سبب ینه اۉن کونگه آرتگه سورگنینی اعلان قیلدی.
ایران، اگر اونینگ انرژی تاسیساتی نشانگه آلینسه، اسرایلنینگ برق انشاتلری همده منطقهدهگی نفت مرکزلریگه آغیر ضربه بېریش بیلن آگاهلنتیرگن اېدی.
