شهبازشریف، پاکستان اگر ایران و امریکا قۉشمه ایایلتلری اۉرتهسیده کېلیشوو بۉلسه، ایکّی تامان مذاکرهلریگه مېزبانلیک قیلیشگه تیار دېدی.
او بوگون (سهشنبه،۴- حمل) ایکس اجتماعی ترماغیده یازیشیچه، پاکستان یقین شرقدهگی اوروشنی تۉختهتیش و منطقهده تینچلیک همده برقرارلیکنی تأمینلشگه قرهتیلگن مذاکرهلرنی قۉللب-قوّتلهیدی.
شونینگدېک، اگر واشینگتن و تهران کېلیشووگه اېریشسه، پاکستان «مضمونلی و یکوني یېچیمگه آلیب بارهدیگن مذاکرهلر»نی تشکیل اېتیشگه تیار و بوندن فخرلنیشینی بیلدیرگن.
شهبازشریف اوّلراق مسعود پزشکایان بیلن صحبتده هم مذاکره یۉلی آرقهلی اوروشنی تۉختهتیشنی قۉللب-قوّتلشینی ایتگن اېدی.
پاکستان بو تکلیفنی امریکا قۉشمه ایالتلری جمهور رییسی دونالد ترامپ نینگ ایران بیلن مذاکره قیلیشگه تیارلیگی حقیدهگی بیانیدن سۉنگ ایلگری سورگن.
سۉنگگی بیر ییل ایچیده امریکا و ایران کمیده ایکّی مرته عمان واسطهچیلیگیده مذاکره اۉتکزگن، بیراق منطقهدهگی کېسکینلیک دوام اېتیب، کېینگی حربي اېسکلتسیهلر یوز بېرگن.
ایران رسميلری حاضرچه امریکا بیلن بېواسطه مذاکرهنی تصدیقلهمهگن، اما واسطهچیلر آرقهلی کېلگن تکلیفلرنی کۉریب چیقهیاتگنینی بیلدیرگن.
