فاتح بیرولنینگ ایتیشیچه، ایراندهگی اوروش گلوبل نفت تأمیناتیدن کونیگه ۱۱میلیون بشکه کمهییشیگه سبب بۉلگن.
رویترز خبریگه کۉره، او بوگون (دوشنبه،۳حوت) آسترلیادهگی ییغیلیشده یقین شرقدهگی بحراننی «جوده کېسکین» دېب تعریفلهگن و بو حالت ۱۹۷۰- ییللردهگی نفت بحرانلری همده روسيه اوکراین اوروشینینگ گاز بازاریگه تأثیریدن هم آغیرراق اېکنینی ایتگن.
فاتح بیرولنینگ ایتیشیچه، دنیادهگی قرار قبول قیلووچیلر بو بحران چوقورلیگینی یېترلیچه توشونمهگن، شو سببلی او بو حقده آچیق گپیریشگه قرار قیلگن.
انرژی خلق ارا آژانس مدیری ضرورت توغیلسه، آسیا و اروپا حکومتلری بیلن همکارلیکده نفت ذخیرهلرینی قۉشیمچه روشده چیقریش مسألهسینی محاکمه قیلیشینی بیلدیرگن.
اعضالر دولتلری اوّلراق بحرانگه قرشی کورهشیش اوچون استراتیژیک ذخیرهلردن۴۰۰ میلیون بشکه نفت چیقریشگه کېلیشیب آلگن اېدی. بیرولنینگ ایتیشیچه، بو چاره بازارنی تینچلنتیریشی ممکن، اما اساسي یېچیم اېمس فقط اقتصادي باسیمنی کمهیتیرهدی خلاص.
اونینگ تأکیدلشیچه، اېنگ مهم یېچیم هرموزنینگ قَیته تۉلیق آچیلیشی دیر.
ایرانگه قرشی امریکا و اسرایل اوروشی باشلنگنیدن بېری، خوفسیزلیک خواطرلری سبب هرموز بۉغازی آرقهلی نفت تشیش سېزیلرلی درجهده کمهیگن و بو گلوبل نفت نرخلرینی آشیرگن.
دونالد ترامپ ایراننی۴۸ ساعت ایچیده بۉغازنی تۉلیق و تهدیدسیز آچیشگه چقیرگن، عکس حالده انرژی تاسیساتلریگه ضربه بېریلیشی بیلن آگاهلنتیرگن.
بونگه جوابن ایران بۉغاز آچیق اېکنینی، اما دشمنلریگه تېگیشلی کېمهلرنینگ اۉتیشیگه رخصت بېرمسلیگینی بیلدیرگن. شونینگدېک، اگر اونینگ انرژی تاسیساتلری نشانگه آلینسه، اسرایلدهگی الکتر ترماقلری و منطقهدهگی بیر قطار نفت مرکزلری، امریکاگه منفعتدار بۉلگن جایلرگه هم ضربه بېریشینی ایتگن.
