امریکا فدرال پولیسی (افبیآی)نینگ ایتیشیچه، ایران امریکا ساحللریدهگی نامعلوم بیر کېمه آرقهلی کالیفرنيادهگی معلوم بۉلمهگن هدف گه درون هجومی اویوشتیریشنی رېجهلهگن اېدی.
ایبیسینیوز خبرنی(افبیآی) تامانیدن کالیفرنيا پولیس ادارهلریگه بېریلگن آگاهلنتیریشگه تهیهنگن حالده گزارش تیار قیلگن.
مذکور آگاهلنتیریش متنیده (افبیآی) شوندهی دېگن: «بیز یقینده معلومات آلدیک: 2026 ییل فبروری آییدن باشلب، اگر امریکا ایراننی هجوم قیلسه، ایران امریکا ساحللریدهگی نامعلوم کېمهدن درونلر یاردمیده کالیفرنيادهگی معلوم بۉلمهگن مقصدلرگه کوتیلمهگن هجوم اویوشتیریشنی رېجهلهگن اېدی»
امریکا فدرال پولیسینینگ قۉشیمچه قیلیشیچه، «بیزده اوشبو تخمیني هجومنینگ وقتی، اصولی، مقصدی یاکه اویوشتیرووچیلری حقیده قۉشیمچه معلومات یۉق»
ایبیسینیوز خبریگه کۉره، اوشبو آگاهلنتیریش امریکا و اسرایل ایرانگه قرشی هجوملرنی باشلهگن وقتگه تۉغری کېلگن.
لسآنجلسدهگی افبیآی وکیلی ایضاح بېریشدن باش تارتگن، آق اوی اېسه درحال ایضاح سۉراویگه جواب بېرمهگن.
بوندن آلدین جمهور رییس دونالد ترامپ هم ایراننینگ اسرایل و منطقهدهگی اولرنینگ بزهلریگه هجوم قیلیش نیتیده بۉلگنینی ایتگن و امریکا آلدینی آلیش چارهلرینی کۉرگنینی معلوم قیلگن.
ایران امریکا و اسرایل هجوملرینی باشلهگچ، اۉز نوبتیده منطقهدهگی امریکا بزهلرینی نشانگه آلگن. ایران رسميلری بو هجوملرنی اۉزینی مدافعه قیلیش دایرهسیده عملگه آشیرهیاتگنینی بیلدیرگن.
