امریکا جمهور رییسی دونالد ترامپ آکسیوسگه بېرگن تیلفونی صحبتیده ایراندهگی اوروش تېز آرهده یکونلنیشینی ایتدی. اونینگ سۉزلریگه کۉره، بو مملکتده دېیرلی نشانگه آلینهدیگن هدف قالمهگن.
بوگون (چهارشنبه، 20 حوت) اعلان قیلینگن اوشبو صحبتده او خواهلهگن پیتیده اوروش توگهشینی تأمینلشی ممکنلیگینی ایتگن.
ترامپ سۉنگگی کونلرده بیر نېچه بار ایران بیلن اوروش تېز آرهده توگهشینی ایتگن، بیراق اونینگ انیق وقت جدولینی اعلان قیلمهگن.
آکسیوس خبریگه کۉره، باشقه امریکالیک و اسرایللیک رسميلر ایراننی کمیده ینه ایکّی هفته دوامیده نشانگه آلیش اوچون تیارگرلیک کۉرهیاتگنینی بیلدیرگن.
شو بیلن بیرگه، اسراېل کَاتز، ایسرایل مدافعه وزیری، بوگون اوروش «هېچ قندهی وقت چېکلاویسیز، برچه مقصدلرگه اېریشیب، بو کمپنیده قطعي غلبه قازانگونچه دوام اېتیشینی» ایتدی.
ایران رسميلری هم سۉنگگی کونلرده اوروش تېز آرهده توگهمسلیگینی بیلدیرگن.
امریکا قۉشمه ایالتلری همده اسرایلنینگ ایرانگه قرشی اوروشی اۉتگن هفتهنینگ شنبه کونی باشلنگن و حاضر 12 کوندن بېری دوام اېتماقده.
بو دورده امریکا و اسرایلنینگ ایران شهرلریگه هجوملری، شونینگدېک ایراننینگ اسرایل شهرلری و منطقهدهگی امریکا حربي بزهلریگه ضربهلری دوام اېتماقده.
حاضرگی پیتده ماجرا هرمز آرقهلی کېمهلر و نفت تانکېرلرینینگ اۉتیشی مسألهسی سبب ینه-ده کېسکینلشگن. امریکا ایراننینگ بیر نېچه کېمهلرینی، جملهدن 16 ته ماین قۉیووچی کېمهنی نشانگه آلگن، ایران اېسه بوگون هرمز بۉغازیده ایکّی کېمهگه هجوم قیلینگنینی معلوم قیلدی.
