تاس اخبارات آژانسی خبریگه کۉره، ولادیمیر پوتین بوگون (سهشنبه،۱۸ حوت) اعلان قیلینگن مراجعتیده ایراننی قۉللب-قوّتلشینی و ایران خلقی بیلن همجهت اېکنینی بیلدیرگن.
روسيه جمهور رییسی ینگی رهبر مجتبی خامنهایگه مراجعت قیلیب شوندهی یازگن:
«مېن ایشانهمنکی، سیز آتهنگیزنینگ ایشینی شرَف بیلن دوام اېتتیرهسیز و ایران خلقینی آغیر سیناولر قرشیسیده بیرلشتیره آلهسیز.»
ولادیمیر پوتین مجتبی خامنهاینینگ ایران رهبری اېتیب تعیینلنیشیگه مناسبت بیلدیرگن و اونی تبریکلهگن دنیادهگی بیرینچی دولت رهبری بۉلدی.
مجتبی خامنهای تیناوون اېران خبرگان مجلسی ییغیلیشیده اسلامي ایران جمهوریتینینگ اوچینچی رهبری اېتیب سیلنگن و بو قرار بوگون تانگده رسماً اعلان قیلینگن.
او آتهسی علی خامنهاینینگ اۉرنینی اېگهلهدی، او اېسه ۱۰ کون آلدین امریکا و ایسرایل هجوملری عاقبتیده اۉلدیریلگن اېدی.
