اسرایل اوردوسی ایران جمهورلیک ریاستی و ملي خوفسیزلیک کېنگشی بناسیگه هجوم قیلگنینی معلوم قیلدی.
اسرایل اوردوسینینگ فارسيزبان سۉزلاوچیسی کمال پنجاسی بوگون (سهشنبه،۱۲ حوت) نشر قیلگن ویدیوده، کېچه تونده اوشبو ادارهلر و بنالرگه اۉنلب اۉق-داریلر یۉنهلتیریلگنینی ایتدی.
او، شونینگدېک، خبرگان کینگشی ییغیلیش محلی، اوردو افسرلیک کالجی و باشقه حکومت توزیلمهلری هم نشانگه آلینگنینی بیلدیردی.
اسرایل اوردوسی وکیلینینگ ادعاسیگه کۉره، تهراندهگی بیر نېچته کۉچه بۉیلب جایلشگن اوشبو مجموعه هسته دستوری بۉییچه بهالش ییغیلیشلری، اوروشنی باشقریش و اونینگ تعبیری بیلن ایتگنده، «اېران خلقینی باستیریش» مسألهلری محاکمه قیلینهدیگن جای بۉلگن.
امریکا و اسرایلنینگ ایران بیلن اوروشی بوگون تۉرتینچی کونیگه کیرگن بۉلیب، تامانلرنینگ بیر-بیریگه قرشی هجوملری هنوز دوام اېتماقده.
