امریکا مرکزي قوماندانلیگی (سنتکام) کویتده اوشبو مملکتگه تېگیشلی اوچته «اف-۱۵»روسوملی قیرووچی اوچاق قولهگنینی تصدیقلهدی، بیراق حادثه سببینی «اۉز کوچلری تامانیدن آچیلگن اۉت» دېب بهالهدی.
سنتکام بیاناتیده ایتیلیشیچه: «اوچاقلر، بالیستیک راکتلر و ایران درونلری اشتراکیدهگی فعال جنگلر دوامیده امریکا هوا کوچلریگه تېگیشلی قیرووچی اوچاقلر خطا بیلن کویت هوا هجومیدن مدافعه تیزیمی تامانیدن اوریب توشیریلگن.»
امریکا مرکزي قوماندانلیگی معلوماتیگه کۉره، اوشبو اوچاقلرنینگ برچه آلتی نفر خدمه اعضاسی ساغ-سلامت بۉلیب، اولرنینگ احوالی برقرار.
سنتکام شونینگدېک، کویت حکومتی مذکور حادثهنی تصدیقلهگنینی و قوماندانلیک اېرانگه قرشی هجوملر چاغیده کویت مدافعه کوچلرینینگ سعی-حرکتلری همده کۉرستگن یاردمی اوچون منّتدارلیک بیلدیرگنینی معلوم قیلگن.
بوگون اېرتهلب کویت مدافعه وزیرلیگی پایتختده اوچته امریکا قیرووچی اوچاقی قولهگنینی اعلان قیلگن، بیراق حادثه سببینی آچیقلهمهگن اېدی.
اېران عامهوي اخبارات واسطهلری اېسه بو اوچاقلر ایران راکتلری ضربهسی عاقبتیده قولهگنینی دعوا قیلماقده.
