سعوديه عربستانی تشقی ایشلر وزیرلیگی ایران پایتخت رياض و مملکتنینگ شرقي ولایتلریدن بیریدهگی نشانلرگه هجوم قیلگنینی تصدیقلب، اوشبو هجوملر موفقیتلی قَیتریلگنینی معلوم قیلدی.
وزیرلیک بیانات اعلان قیلیب، بو هجوملرنی «قۉرقاقانه» دېب اتهدی و اولرنی کېسکین قارهلهدی.
سعوديه عربستانی تشقی ایشلر وزیرلیگینینگ قۉشیمچه قیلیشیچه، بو هجوملر هېچ قندهی حالتده و هېچ قندهی بهانه بیلن آقلنمهیدی همده سعوديه عربستانینینگ اۉز حدودیدن اېرانگه قرشی فایدهلنیشگه یۉل قۉیمسلیک حقیدهگی قطعي موضوعیگه قرهمهی عملگه آشیریلگن.
وزیرلیک سعوديه عربستانی اۉز خوفسیزلیگینی حمایه قیلیش، حدودی، فقرالری و مملکتده یشاوچی اهالینینگ حمایهسی اوچون برچه ضرور چارهلرنی کۉریشینی، جملهدن، بو هجومگه جواب بېریش وریانتینی هم کۉریب چیقهیاتگنینی بیلدیرگن.
ایران امریکا و اسرایل تامانیدن اوشبو دولتگه قیلینگن هجوملردن سۉنگ، منطقهدهگی امریکا حربی مرکزلریگه راکت و درون هجوملرینی باشلهگن.
ایران حاضرگچه سعوديه عربستانیدن تشقری، امریکا نینگ قطر، بیرلشگن عرب امیرلیکلری، کویت، بحرین و عراقدهگی حربی مرکزیگه هم هجوم قیلگن.
