یاشلر نمایشلری نتیجهسیده شیخ حسینه حکومتی اغدریلگندن سۉنگ اۉتکزیلگن بیرینچی سیلاو بوگون (پنجشنبه، ۲۳ دلو) بنگلادشده عیاللرینینگ فعال اشتراکی بیلن بۉلیب اۉتدی.
رویترزنینگ خبر بېریشیچه، سیلاو کمیسیونی باش کاتبی اختراحمد ژورنالیستلرگه ایتیشیچه، ساعت۲:۰۰( گرینویچ وقتی بیلن ۸:۰۰) گه قدَر، یعنی سیلاو اوچستکهلری یاپیلیشیدن ایکّی یریم ساعت آلدین، دېیرلی یریم سیلاوچیلر آواز بېرگن.
بو کۉرستکیچ ۲۰۲۴ ییلدهگی آلدینگی سیلاودهگی عمومي ۴۲ فایزلیک اشتراکدن یوقاری.
سیلاو وکیللری محلي عامهوي اخبارات واسطهلریگه ایتیشیچه، عیال سیلاوچیلرنینگ فعال اشتراکی کوزهتیلگن.
سیلاوگه رۉیخطدن اۉتگن تخمیناً۱۲۸ میلیون آدم نینگ۴۹ فایزی عیال.
اما نامزادلر آرهسیده فقط۸۳عیال۳۰۰ ته موجود اۉرینگه رقابت قیلماقده.
جماعت اسلامي حزبی یېتکچیسی شفیقالرحمان، بیر پیتلر فعالیتی تعقیقلنگن، سیلاوچیلردن مملکتنینگ بیرینچی اسلامي حکومتینی تنلشنی سۉرهگن.
رویترزنینگ یازیشیچه۶۷ یاشلی شفاکار و حزب رهبری شفیقالرحمان گمناملیکدن باش وزیرلیک اوچون جدّي نامزادگه ایلنگن.
جماعت اسلامي حزبی ائتلافی بنگلادش ملي حزبی بیلن یقین رقابتگه کیریشهدی.
بنگلادش اهالیسی۱۷۵میلیون کیشی بۉلیب، تخمیناً۹۱ فایزی مسلمانلر، بو اونی دنیادهگی اېنگ کۉپ مسلمان اهالیگه اېگه دولتلردن بیریگه ایلنتیرهدی.
بوگونگی سیلاو جَنوبي آسیادهگی اېنگ مهم سیلاولردن بیری صفتیده بهالنگن.
