ایران جمهور رییسی مسعود پژشکیان، «دۉست دولتلر سۉراوی»نی حسابگه آلگن حالده، تشقی ایشلر وزیریگه امریکا بیلن «عدالتلی و تېنگ حقوقلی مذاکرهلرنی» عملگه آشیریش امکانینی یرهتیش بۉییچه کۉرستمه بېرگنینی ایتدی، اگر «خوفسیز، تهدیدسیز و منطقسیز کوتیشلردن خالی محیط موجود بۉلسه».
اونینگ سۉزلریگه کۉره، ایران «عزت، دانا قرار و منفعتی» پرینسیپلریگه تهیهنگن حالده، ملي منفعتلر دایرهسیده امریکا بیلن مذاکره قیلهدیگن بۉلهدی.
پزشکیان و باشقه رسمي شخصلر مذاکرهلرنینگ انیق وقتی و جایی حقیده معلومات بېرمهگن، اما رویترس آژانسی خبر قیلگنیچه، ایکّی دولت وکیللری جمعه کونی تورکيهنینگ استانبول شهریده اوچرهشیشی رېجهلشتیریلگن.
رویترسنینگ یازیشیچه، امریکا مخصوص وکیلی استیو ویتکاف و ایران تشقی ایشلر وزیری عباس عراقچی استانبولده اوچرهشیب، اېراننینگ هستوي دستوری بۉییچه دیپلوماتنی قَیته تیکلش و ینگی منطقوي اوروش خوفینی برطرف اېتیش مسألهسینی محاکمه قیلهدیلر.
خبر آژانسینینگ یازیشیچه، منطقوي دیپلوماتلرنینگ ایتیشیچه، سعوديه عربستانی و مصر کبی دولتلر وکیللری هم اوشبو مذاکرهلرده اشتراک اېتهدی.
امریکا جمهور رییسی دونالد ترامپ ایران تامانیگه حرکت قیلهیاتگن ییریک اوروش کېمهلری یانیده، اگر کېلیشووگه اېریشیلمسه، یامان واقعهلر یوز بېریشی ممکنلیگی حقیده آگاهلنتیرگن.
او ایلگری ایتگنیدېک، «اېران تېزده مذاکره چوکییگه کېلیشی و برچه تامانلر اوچون مقبول بۉلگن، هستوي قورالسیز عدالتلی و تېنگ حقوقلی کېلیشوونی عملگه آشیریشی» کېرهک.
ایران و امریکا 2025-ییل جون آییده مذاکره قیلهیاتگن پیتده، اسراییل ایرانگه هجوم قیلگن و کېینگی اوروش دوامیده امریکاهم اسراییل بیلن بیرگه ایراننینگ هستوي انشااتلرینی بامباردمان قیلگن.
امریکا جمهور رییسی 12 کونلیک جون اوروشی دوامیده اېراننینگ هستوي انشااتلری ویران بۉلگنینی تکرارن تأکیدلهگن، اما ایران هستوي قورالگه اېگه بۉلمسلیگی کېرهکلیگینی اعتراف اېتهدی.
