امریکا جمهور رییسی دونالد ترامپ، ونزوئلادهگی رسميلر بیلن همکارلیک طفیلی اوشبو مملکتگه قرشی ایکّینچی تۉلقین هجومنی بېکار قیلگنینی ایتدی.
جمهور رییس بوگون (جمعه، ۱۹ جدی) «تروث سوشیال»ده بیر پست یازیب ایتیشیچه، شو هجومگه اېندی احتیاج یۉقدېک کۉرینهدی دېب یازدی.
اونینگ قۉشیمچه قیلیشیچه، ونزوئلا کۉپلب سیاسي محبوسلرنی آزاد قیلماقده، بو اېسه «تینچنلیک ایزلش» نینگ بیر بېلگیسی صفتیده قبول قیلینماقده. شونینگدېک، او امریکا بیلن نفت و گاز زیرساختلرینی تیکلش بۉییچه یخشی همکارلیک قیلماقده.
ترامپ بوگون آق اویده بیر نېچته ییریک نفت کمپنیلری وکیللری بیلن اوچرهشیب، اولر ونزوئلا نفت صناعتیگه 100 میلیارد دالر سرمایه کیریتیشینی ایتدی.
حاضرده ونزوئلانینگ سابق جمهور رئیسی اۉرین باسری دلسی رودریگز اوشبو مملکت نینگ وقتینچه حکومتینی باشقرماقده.
امریکا بو هفته شنبه کونی دلسی رودریگز پایتختیگه هجوم قیلیب، جمهور رییس نیکلاس مادورو و اونینگ خاتینینی حبسگه آلیب، نیویورککه آلیب کېتگن اېدی.
نیکلاس مادورو و اونینگ خاتینی، امریکا تامانیدن «تروریسم مواد مخدر» عیبلاولری بیلن محکمهگه تارتیلگن و اولر اۉزلریگه قرشی قۉییلگن عیبلاولرنی رد قیلگن.
نیکلاس مادورو حبسگه آلینگنیدن سۉنگ، امریکا ونزوئلا نفت صناعتینی و نفت سوداسینی نظارت قیلیشنی کوچهیتیرگن، شونینگدېک بیر نېچته کېمهلرنی، جملهدن روسيه بیراغی آستیدهگی مارینرا نفت تانکېرینی، تۉختهتگن.
