ونزوئلا جمهور رییسی نیکلاس مادورو و اونینگ خاتینی سیلیا فلورس، امریکاده حبسگه آلینگن حالده، گیاهوند مادّهلر بیلن باغلیق عیبلاولرنی کۉریب چیقیش اوچون نیویورکدهگی محکمهگه آلیب کېتیلدی.
رویترز خبریگه کۉره، اولر بوگون (دوشنبه، ۱۵ جدی) محلي وقت بیلن ساعت ۷:۰۰ ده بروکلیندهگی قماقخانهنینگ هوا ترانسپورتی آرقهلی حربي تیک اوچرگه و او یېردن منهتندهگی فدرال محکمهگه آلیب کېتیلدی.
مذکور اخباراتگه کۉره، مادورو و اونینگ خاتینی اوشبو محکمه مجلسیده اشتراک اېتیشی کوتیلماقده. مادورو نینگ گیاهوند مادّه قاچاق قیلینیشینی نظارت قیلگنلیکده عیبلنماقده، بو جریانده او زۉراور گروهلر، جملهدن مکزیکدهگی «سینالوآ» و « زتاس» کارتېللری، کالمبيادهگی فارک قۉزغآلچیلری و ونزوئلادهگی « ترن د آراگوا» باندی بیلن همکارلیک قیلگن.
امریکا اونی اۉز وطنداشلریگه قرشی «گیاهوند مادّهلر تروریزمی»ده عیبلهماقده و «امریکا عدالتی» بیلن یوزلشیشینی بیلدیرگن. 63 یاشلی مادورو اېسه بو عیبلاولرنی دایما رد اېتیب کېلگن و اولرنی ونزوئلانینگ نفتی اوستیدن امپریالیستیک رېجهلر اوچون قاپلهمه دېب اتهگن.
امریکا شو هفته شنبه تانگیده ونزوئلا پایتختیگه هجوم قیلیب، مادورونی و اونینگ خاتینینی حبسگه آلگن. اولر حبسگه آلینگندن سۉنگ نیویرک گه آلیب کېتیلگن و فدرال محکمهسیده محکمه بۉلیشی کوتیلماقده.
