امریکا قۉشمه ایالتلری جمهور رییسی دونالد ترامپ امریکا و اوکراین رسميلرینینگ جنیواده اونینگ اوکراین اوروشینی توگهتیشگه قرهتیلگن تینچلیک رېجهسی بۉییچه اۉتکزگن مذاکرهلری یکونلنگچ، «یخشی بیر واقعه صادر بۉلهیاتگن بۉلیشی ممکن»، دېب ایتدی.
ترامپ بوگون (دوشنبه،۳ قوس) تروث سوشیالده یازیشیچه، «راستدن هم روسيه و اوکراین اۉرتهسیدهگی تینچلیک مذاکرهلریده کتّه سیلجیش بۉلیشی ممکنمی؟»
او سۉزینی دوام بېریب شوندهی دېدی «اۉزینگیز کۉرمهگونچه ایشانمنگ، لېکن یخشی بیر نرسه صادر بۉلهیاتگندېک.»
ترامپ یقینده اوکراین اوروشینی توگهتیش بۉییچه بیر رېجه تکلیف قیلگن اېدی. بو رېجه بۉییچه اوکرایه روسيه باسیب آلگن منطقهلرنینگ کتّه قِسمینی بېریشی کېرهک بۉلهدی.
رېجهگه کۉره، اوکراین کوچلری حلی هم نظارتیده اوشلب تورگن شرقي دونستک نینگ قالگن قِسملرینی هم تاپشیریشی لازم.
کېچه جنواده امریکا، اوکراین و اروپا رسميلری اوشبو رېجهنی باتفصیل محاکمه قیلدیلر.
مذاکرهلردن سۉنگ امریکا و اوکراین رسميلری قۉشمه بیانات بېریب، مذاکرهلرنی «توزهتوچن» دېب اتهدیلر.
دونالد ترامپ آق اوینی قَیته اېگهلهگچ، بیر نېچه مراتبه ایتگن اېدی؛ او ولادیمیر پوتین بیلن مذاکره آلیب باریب، اوکراین اوروشیگه یکون یسهیدی.
بیراق او یقینده پوتین بیلن بیر بار اوچرهشوو و بیر نېچه تیلفون صحبتلریدن سۉنگ امیدسیزلیگینی بیلدیرگن همده بو اوروش «اۉیلهگندن هم مرکّبراق» اېکنینی ایتگن.
