هندسینماسینینگ اتاقلی یولدوزی درامندرا بوگون (دوشنبه، ۳ قوس) ۸۹ یاشیده وفات اېتدی.
اوبالیوودده«هېمن» (بویوک اېرکک) نامی بیلن مشهور بۉلگن و۳۰۰ دن آرتیق فلمده رۉل اۉینهگن.
هند باش وزیری نارندرا مودی ایکس اجتماعي ترماغیده یازیشیچه، درمندرانینگ اۉلیمی هندسینماسیده بیر دورنینگ یکونلنیشی بۉلدی.
مودینینگ سۉزلریگه کۉره، «او سینما عالمینینگ تمثالی اېدی. او قَیسی رۉلنی اجرا اېتمهسین، اۉشه سیماگه جاذبه و چوقورلیک بغیشلردی. اونینگ رنگ-برنگ رۉللرنی اجرا اېتیش اسلوبی کۉپلب انسانلرگه تأثیر قیلگن. درمندرا جی اۉزینینگ سادّهلیگی، کمترلیگی و صمیمیتی بیلن بیردېک حرمت قازانگن.»
درمندرا افغانستانده هم تنیلگن بۉلیب، اونینگ جنگری فلملری جوده مشهور اېدی.
درمندرانینگ تۉلیق اسمی دارمندرا کیوال کریشان دیول بۉلیب، ۱۹۳۵-ییل ۸-دسمبرده پنجابنینگ لودیانا منطقهسیدهگی نصرالی قیشلاغیده توغیلگن. اونینگ آتهسی کیوال کیشان سنگ دیول مکتب مدیری اېدی.
سینما صنعتیگه بۉلگن سېوگیسی اونی بمبئیگه آلیب کېلدی و او اۉزینینگ ایلک فلمینی ۱۹۶۰-ییللردهگی رومانتیک درامه «دیل بهی ترا هوم بهی تر» ( آرجون هینگورانی) بیلن باشلهدی. گرچه بو فلم موفقیت قازانمهگن بۉلسه هم، او درمندرانینگ آرزولر عالمیگه اېشیک آچدی.
