خلقارا عامهوي اخبارات واسطهلرینینگ خبر بېریشیچه، نیجریه نینگ شِمال-غربیده قیزلر مکتبیگه اویوشتیریلگن هجومده قوراللی شخصلر ۲۵ قیز اۉقووچینی آلیب کېتگن.
رویترزنینگ خبریگه کۉره، نیجریه پولیسی هجومچیلر تیناوون (۲۶ عقرب) ساعت تۉرتلر اطرافیده ماگا شهریدهگی دولتگه قرهشلی کوندوز و تون ایشلهیدیگن مکتبگه باستیریب کیرگن و پولیس کوچلری بیلن تۉقنهش کېلیشگن دېب معلوم قیلدی.
نیجریه پولیسینینگ قۉشیمچه قیلیشیچه، اوشبو تۉقنهشووده مکتبنینگ اۉرینباسر هلاک بۉلگن، بیر خادم اېسه یرهلنگن.
پولیسنینگ ایتیشیچه، تاکیتیک بۉلیملری، عسکرلر و محلي اختیاري کوچلر اۉغیرلنگن اۉقووچیلرنی قیدیریشماقده.
نیجریه نینگ شِمال-غربیده سۉنگّی ییللرده قوراللی طلبچیلر تامانیدن قیز اۉقووچیلرنینگ بیر نېچه بار اۉغیرلنیشی حالتلری قید اېتیلگن.
شونینگدېک، «بوکو حرام» اسلامي گروهی هم نیجریهده بیر نېچه بار قیز اۉقووچیلرنی اۉغیرلشگه اورینیب کېلگن.
اوشبو گروه ۲۰۱۴ ییلده شِمال-شرقي نیجریهدهگی چیبوک شهریدهگی مکتبدن ۲۷۰ قیزنی اۉغیرلهگن اېدی. اولر نینگ اکثریتی قاچیب کېتیشگه یاکه کېینچهلیک آزاد قیلینیشگه موفق بۉلگن، اما بعضیلری هېچ قچان قَیتریلمهگن.
