امریکا قۉشمه ایالتلری عدلیه وزیرلیگینینگ معلوم قیلیشیچه، فدرال قیدیروو بوروسی (افبیآی) آق اوی حدودیده اۉتکزیلگن سپورت تدبیریگه هجوم قیلیش و یوقاری لوازملی شخصلرنی نشانگه آلیشنی رېجهلشتیرگن ۵ نفر شخصنی قۉلگه آلگن.
وزیرلیک سهشنبه کونی (۲۶جوزا) نشر قیلگن بیاناتده ایتیلیشیچه، گماندارلر امریکا جمهورلیک ریاستی قرارگاهی حدودیده اۉتکزیلگن یوافسی جنگاور سپورت مسابقهسیگه هجوم قیلیشنی رېجهلشتیرگن.
اعلامیه گه کۉره اولر اوهایو، میسوری، نبراسکا و کالیفرنیا ایالتلریدنحبسگه آلینگن.
عدلیه وزیرلیگی معلوماتیگه کۉره، (افبیآی) تهدید حقیده بیرینچی سیگنالنی تدبیردن اتیگی 4 کون آلدین آلگن و تدبیر باشلنیشیدن اوّل خوفنی برطرف اېتیشگه اولگورگن.
تېرگاو دوامیده گماندارلرنینگ رقملی قوریلمهلریدن شفرلنگن خبرلر تاپیلگن بۉلیب، اولردن بیری گروه رهبری بۉلگن شخصگه آلیب بارگن.
تېرگاوچیلرنینگ انیقلشیچه، رېجه درونلر آرقهلی پارتلاوچی مادّه ایشلهتیب هجوم قیلیش، آدملر آرهسیده واهمه کېلتیریب چیقریش و سۉنگره سنایپېرلر آرقهلی یوقاری مرتبهلی شخصلرنی نشانگه آلیش کبی باسقیچلردن عبارت بۉلگن.
شونینگدېک، هجومچیلر نینگ کېینگی باسقیچده آق اوی دروازهلریگه باستیریب کیریش نیتی هم بۉلگن.
اولر مارچ آییدن بېری تنیش بۉلیب، سۉنگگی آیلر دوامیده قورال-اسلحه و اۉق-داریلر تۉپلهگن همده هجومگه تیارگرلیک کۉرگن.
امریکا عدلیه وزیرلیگی اولرنی «اېکسترېمیستیک دیني و دولتگه قرشی قرهشلرگه اېگه» شخصلر صفتیده تعریفلهگن.
رېجهلشتیریلگن تدبیر اېسه یکشنبه کونی (۲۴جوزا) آق اوی حدودیده جمهور رییس و یوقاری مرتبهلی مهمانلر اشتراکیده تۉلیق خوفسیزلیک آستیده اۉتکزیلگن.
