امریکا جمهور رییسی دونالد ترامپنینگ ایتیشیچه، ایران اۉزی اوچون جوده فایدهلی بۉلیشی ممکن بۉلگن کېلیشوو یوزهسیدن مذاکره قیلیشنی حددن تشقری چۉزیب یوبارگن و اېندی بو نینگ عاقبتلرینی باشدن کېچیریشی کېرهک.
امریکا جمهور رییسی بوگون (۲۰-جوزا) اۉزینینگ تروثسوشیال صحیفهسیده شوندهی یازگن:
«ایراننینگ حربي کوچلری تۉلیق تار-مار اېتیلدی و یۉق قیلیندی. اولرنینگ کتّه قِسمی، جملهدن دېنگیز و هوا کوچلری، اېندی عملده موجود هم اېمس. اولر مطلقا مغلوبیتگه اوچرهدی.»
او ینه قۉشیمچه قیلگن: «ایران فقط گپیرهدی، اما هېچ قندهی حرکت قیلمهیدی. یقین شرقنینگ بېزاریسی اۉلدی.»
بو بیانات امریکا کېچه تونده ایراننی اۉزینینگ آپاچی روسومیدهگی حربي تیک اوچرینی اوریب توشیرگنلیکده عیبلب، ایران حدودیدهگی نشانلرگه ضربه بېرگنیدن کېین ینگرهدی.
بونگه جوابن ایران بحرین، کویت و اردندهگی امریکا حربي بزهلریگه هجوم اویوشتیرگنینی معلوم قیلگن.
