ایران تشقی ایشلر وزیرلیگینینگ حقوقي و خلق ارا ایشلر بۉییچه اۉرینباسری کاظم غریبآبادي امریکا قۉشمه ایالتلری جمهور باشلیغی تامانیدن نتانیاهونی بیروتگه ییریک هجوم اویوشتیریشدن قَیترگنی حقیدهگی ادعاگه مناسبت بیلدیریب، بو حالت واشنگتننینگ تینچلیکپرورلیگیدن کۉره، اسرایل رژیمینینگ تجاوزلرینی بېواسطه باشقریشدهگی رۉلینی تصدیقلشینی ایتدی.
غریب آبادي بوگون (سهشنبه، ۱۲-جوزا) ایکس اجتماعي ترماغیده شوندهی یازدی: «اگر مستقل بیر دولت پایتختیگه هجوم قیلیش قراری بیرته تیلفون قۉنغیراغی بیلن اۉزگرهدیگن بۉلسه، اساسي سوال شوکی، نېگه آیلر دوامیده اۉت آچیشنی تۉختهتیش کېلیشووی نینگ بوزیلیشی، لبنانگه قرشی تجاوزلر، اهالی نینگ کۉچیریلیشی و بو مملکت حاکمیتیگه تهدیدلر غربنینگ سیاسي همده حربي کۉمهگی بیلن دوام اېتدی!»
ایران تشقی ایشلر وزیری اۉرینباسری، شونینگدېک، لبنان، سوريه و قدوس شریفدهگی حاضرگی واقعهلر بیر حقیقتنی ینهده روشن کۉرسهتگنینی تأکیدلهدی: «منطقهدهگی بحران ترقاق کېسکینلیکلر نتیجهسی اېمس، بلکه دولتلر حاکمیتینی بوزهیاتگن، اۉت آچیشنی تۉختهتیش کېلیشوولرینی معناسیز قیلهیاتگن و فلسطینلیکلرنینگ مقّدس قدمجالریگه تجاوز قیلهیاتگن اسرایل رژیمی نینگ جنایتلری همده اونینگ جزاسیز قالیشی محصولی دیر.»
او بیرلشگن ملتلر تشکیلاتی خوفسیزلیک کېنگشینی تنقید قیلیب، کېنگش فقط تشویش بیلدیریش و عمومي چقیریقلر بیلن چېکلنیب قالمسدن، اسرایلگه قرشی مجبوري و جزالاوچی قرارلر قبول قیلیشی کېرهکلیگینی ایتدی.
غریبآبادي ینه شوندهی دېدی: «خلق ارا حقوق ارزان و ثمرهسیز قارهلشلر بیلن حمایه قیلینمهیدی.»
بیروت نینگ جَنوبي چېکّهلریگه هجوم قیلیش حقیدهگی اسرایل قراریگه نسبتاً عکسالعمللر کوچهیگنیدن سۉنگ، امریکا جمهور باشلیغی دونالد ترامپ کېچه کېچقورون نتانیاهو بیلن گپلشگنینی و اسرایل تامانیدن بیروتگه هېچ قندهی کوچ یوباریلمسلیگینی، اوّل یوباریلگن کوچلر اېسه آرتگه قَیتریلیشینی معلوم قیلدی.
سۉنگّی کونلرده اسرایل لبناندهگی حزباللهگه قرشی هجوملرینی کېنگهیتیریب، لیتانینی دریاسیدن اۉتگن قوروقلیکدهگی کوچلری بوفورت حدودی و تاریخي بوفورت قلعهسینی اېگهللب آلدی.
ایران اسرایل نینگ لبنانگه قیلهیاتگن هجوملرینی اۉت آچیشنی تۉختهتیش کېلیشووینینگ بوزیلیشی دېب بهالب، بونینگ عاقبتلری امریکا و اسرایل ذمّهسیده بۉلیشینی تأکیدلهدی.
