میانمارده پارتلاوچی مادّهلر انباریده یوز بېرگن پارتلش عاقبتیده کمیده۵۵ کیشی هلاک بۉلدی، ینه۷۴ کیشی جراحت آلدی.
پارتلش یکشنبه کونی (۱۰-جوزا) محلي وقت بیلن ساعت۱۲:۰۰اطرافیده میانمار نینگ شِمالی-شرقیدهگی شان ایالتینینگ نام خام اولسواللیگی، ختای چېگرهسی یقینیدهگی «کائونگتوپ» قیشلاغیده صادر بۉلگن.
رویترزنینگ خبریگه کۉره، هلاک بۉلگنلر آرهسیده۲۵ نفر عیال و۳۰ نفر اېرکک بار.
حادثه حکومتگه قرشی قوراللی گروه «جبهه آزادیبخش دولت پالائونگ» نظارتیدهگی حدودده یوز بېرگن.
مذکور گروه اۉزی نینگ تلگرام کانالیده واقعهنی تصدیقلب، پارتلش «ژلگنایت» توریدهگی پارتلاوچی مادّهلر سقلنهیاتگن انبارده صادر بۉلگنینی معلوم قیلدی.
بیاناتگه کۉره، اوشبو پارتلاوچی مادّهلر کانچیلیک فعالیتیده فایدهلنیش اوچون سقلب قۉییلگن اېدی.
حاضرده میانمار حکومتی بیلن صلح حالتیده بۉلگن «جبهه آزادیبخش دولت پالائونگ» پارتلش قربانلری و قیشلاق اهالیسی کۉرگن ضررلرنی برطرف اېتیش ایشلری آلیب باریلهیاتگنینی بیلدیرگن.
حکومتگه قرشی اوشبو قوراللی گروه پارتلش سببلرینی انیقلش یوزهسیدن تېرگاو آلیب بارهیاتگنینی معلوم قیلگن.
