بیرلشگن ملتلر تشکلاتیگه قرهشلی جهان هواشناسلیک تشکیلاتی (WMO) ینگی گزارشیده یقین۵ ییل ایچیده گلوبل حرارت رکورد درجهلرگه یقین یاکه اوندن هم یوقاری بۉلیشی ممکنلیگی حقیده آگاهلنتیردی.
گزارشگه کۉره، ۲۰۲۶-۲۰۳۰ییللر دوامیده یېر یوزهسیگه یقین اۉرتهچه ییللیک گلوبل حرارت ۱۸۵۰-۱۹۰۰ ییللردهگی اۉرتهچه کۉرستکیچدن تخمینا۱.۳دن۱.۹درجه سېلسيگچه یوقاری بۉلیشی پراگناز قیلینماقده.
شونینگدېک،۸۶ فایز احتمال بیلن ۲۰۲۶–۲۰۳۰ییللر آرهلیغیدهگی بیر ییل۲۰۲۴ ییل رکوردینی ینگیلب، اېنگ ایسّیق ییل صفتیده قید اېتیلیشی ممکنلیگی ایتیلگن.
تدقیقات یازوچیسی دکتر لئون هرمانسون نینگ ایتیشیچه،۲۰۲۶ییل آخریگه کېلیب ال-نینو حادثهسی یوز بېریشی کوتیلماقده و بو ۲۰۲۷ییلده ینگی حرارت رکوردلری احتمالینی آشیرهدی.
حساباتده گلوبل ایسیش نینگ بوتون۵ ییللیک دورده۱.۵درجهدن آشیب کېتیش احتمالی۷۵ فایز اېکنی قید اېتیلگن. بو اۉتگن ییلگی۷۰ فایزلیک پراگنازدن یوقاریراق.
بو آگاهلنتیریشلر بیر قطار مملکتلرده اېرته و کوچلی ایسّیق تۉلقینلر کوزهتیلهیاتگن بیر پیتده اعلان قیلیندی.
هسپانیاده۱۰ ته حدودده کوچلی ایسّیق و بۉرانلر بۉییچه آگاهلنتیریش بېریلگن، اَیریم جایلرده حرارت۴۰ درجهدن آشیشی کوتیلماقده.
ایتالياده رم، فلورانس، تورین و بولونیا کبی شهرلرده «قیزیل درجهدهگی» ایسّیقلیک آگاهلنتیریشی اعلان قیلینگن. فرانسه، ایرلند و پورتغالده هم نا عادتی یوقاری حرارتلر قید اېتیلگن.
هندستانده اېسه اوتار پرادش نینگ اَیریم حدودلریده حرارت۴۷ درجهگچه کۉتریلگن. محلي یېتکرمهلرگه کۉره، آندرا پرادش و تلانگانا ایالتلریده ایسّیق طفیلی کمیده۳۷ کیشی وفات اېتگن، شونینگدېک دهلی کبی حدودلرده سوو و الکتر تأمیناتیده معمالر یوزهگه کېلگن.
