امریکا جمهور رییسی دونالد ترامپ، آق اوی دروازهسی یقینیده آتیشمه اویوشتیرگن قوراللی شخص مخفي خدمت کوچلری تامانیدن آتیب اۉلدیریلگنینی معلوم قیلدی.
ترهمپ تروثسوشیال یازیشیچه، بو شخص «زۉرآورلیک تاریخی و احتمال امریکانینگ اېنگ عزیز بناسیگه نسبتاً کوچلی روحي باغلیقلیککه اېگه بۉلگن».
اونینگ قۉشیمچه قیلیشیچه، «قوراللنگن شخص آق اوی دروازهلری یقینیده مخفي خدمت خادملری بیلن آتیشمه المشووی چاغیده اۉلدیریلگن.»
بو حادثه آق اوی مخبرلری کېچکی ضیافتیدهگی آتیشمهدن تخمیناً بیر آی اۉتیب صادر بۉلدی.
امریکا مخفي خدمتی بیانات ترقهتیب، حادثه شنبه کونی (۲جوزا) محلي وقت بیلن ساعت۶:۰۰ده یوز بېرگنینی بیلدیردی.
بیاناتده ایتیلیشیچه: «۱۷-کۉچه و پېنسیلوانيا منطقهسیده بیر شخص دستکولیدن قورال چیقریب، اۉق اوزه باشلهگن. مخفي خدمت پولیسی جواب طریقهسیده گماندارنی نشانگه آلگن. او شفاخانهگه آلیب باریلگن و او یېرده وفات اېتگنی اعلان قیلینگن.»
بیاناتگه کۉره، آتیشمه دوامیده بیر یۉلاوچی هم اۉقدن یرهلنگن، بیراق خوفسیزلیک خادملری آرهسیده هېچ کیم جراحت آلمهگن.
حادثه وقتیده جمهور رییس ترامپ آق اوی ایچیده بۉلگن.
حاضرگچه آتیشمهده گمان قیلینگن و حاضرده اۉلدیریلگن شخص نینگ کیملیگی آشکار قیلینمهگن.
