دَم آلیش کېمهسی یۉلاوچیلری هانتا ویروس سبب وفات اېتگنی انیقلنگچ، اتلانتیکه اقیانوسیده تۉختهب قالگن اېدی. اېندیلیکده او اسپانیانینگ قناری آراللریده بندرگاهگه کیریشی کوتیلماقده.
سیانان خبریگه کۉره، «اموی هوندیوس» کېمهسی قناری ارخیپيلگیدهگی اېنگ ییریک آرال تنریف گرانادیلا پورتیگه تۉختهیدی.
اسپانیانینگ سیویل گارد خادملری کېچهدن بویان (شنبه، ۱۹-ثور) اوشبو بندر یۉلاوچیلرنی خوفسیز طرزده توشیریش اوچون تیارگرلیک ایشلرینی باشلهگن.
کېمه بارتیدهگی ۱۴۷ یۉلاوچینی بیر نېچه دولتلرنینگ طبي گروهلری همکارلیگیده توشیریش و اۉز مملکتلریگه یوباریش رېجهلشتیریلگن.
خبرگه کۉره، امریکا، آلمان، فرانسه، بلژیک، ایرلند و هلند کېمهدهگی هانتاویروس خوفی آستیدهگی فقرالرینی آلیب کېتیش اوچون مخصوص رېیسلر یوبارهدی.
اسپانیا ساغلیقنی سقلش وزیری مونیکا گارسیا مملکت نینگ ۱۴ نفر فقراسی اولرده هانتاویروس بارلیگی حلی تصدیقلنمهگن بۉلسه-ده — حربي طبي لابراتوارگه یوباریلیشینی ایتگن.
امریکا اېسه کېمهدهگی ۱۷ نفر فقراسینی نبراسکا بیلیم یورتی طبیات مرکزینینگ قرنطین بۉلیمیگه جایلشتیرهدی.
«موهاندیوس» سیاحلیک کېمهسی اۉتگن آی تورلی ملت وکیللرینی آلیب، آرژانتین اسپانیانینگ قناری آراللری تامان یۉلگه چیققن اېدی.
اما سفر دوامیده کمیده اوچ یۉلاوچی کېتمه-کېت وفات اېتدی. شفاکارلر اولر نینگ اۉلیمیگه هانتاویروس سبب بۉلگنینی بیلدیرگن. ینه بېش یۉلاوچیده شبههلی علامتلر انیقلنگن. شونگه قرهمهی، کېمه بارتیده حلی هم 147 یۉلاوچی قالماقده.
دستلب محلي اهالی خواطری سببلی کېمه تېزلیگینی پهسهیتیریب، اتلانتیکه اقیانوسی سوولریده تۉختهب قالگن اېدی.
قناری آراللری حدودی رهبری فرناندو کلاویخو کېمهنینگ تنریفده تۉختشیگه کېسکین قرشی چیققن.
بیراق جهان ساغلیقنی سقلش تشکیلاتی هانتا ویروس کوید-19 یاکه باشقه یوقوملی نفس یۉللری کسللیکلری کبی تېز ترقهلووچی ویروس اېمسلیگینی بیلدیرگن.
معلوماتگه کۉره، اوشبو ویروس عادتده کېمیرووچیلر، جملهدن سیچقانلر اۉرگانیزمیده یشهیدی و آزیق-طعام منبعلری یاکه کېمه محیطی کېمیرووچیلر سيدیگی بیلن افلاسلنگنده آدمگه یوقهدی.
هانتا ویروس نینگ اساسي علامتلری آرهسیده ایسیتمه، آغریق، نفس یېتیشماوچیلیگی و طعام هضم قیلیش تیزیمی بوزیلیشلری بار. کسللیک آغیرلشسه، اۉلیمگه آلیب کېلیشی ممکن.
