پاکستان باش وزیری شهباز شریف امریکا جمهور رییسی دونالد ترامپگه «آزادلیک لایحهسی»نی تۉختهتگنی اوچون منّتدارچیلیک بیلدیردی.
شریف بوگون (چهارشنبه، 16-ثور) ایکس اجتماعی ترماغیده یازیشیچه، ترامپنینگ بو «سخاوتمندلیگی» منطقوي تینچلیک و برقرارلیکنی ایلگری سوریشده مهم رۉل اۉینهیاتگنینی ایتدی.
اونینگ سۉزلریگه کۉره، امریکا قۉشمه ایالتلری تامانیدن هرمز بۉغازینی قَیته آچیش اوچون رېجهلشتیریلگن حربي عملیات پاکستان و سعودیه عربستانی ولیعهدی محمد بن سلمان نینگ التماسیگه بناءً تۉختهتیلگن.
شریفنینگ قۉشیمچه قیلیشیچه، «پاکستان برچه تامانلرنی اۉزینی تيیشگه و ماجرالرنی ملاقات همده دیپلوماتیک آرقهلی تینچ یۉل بیلن حل اېتیشگه قرهتیلگن سعی-حرکتلرنی قطعي قۉللب-قوّتلهیدی.»
پاکستان باش وزیری حاضرگی جریان برقرار کېلیشووگه آلیب کېلیب، منطقه و اوندن تشقریده اوزاق مدتلی تینچلیک و برقرارلیکنی تأمینلشیگه امید بیلدیرگن.
تجارت کېمهلری قتناوی اوچون هرمز بۉغازینی آچیشگه قرهتیلگن «آزادلیک لایحهسی» حربي عملیاتی باشلنگنیدن بیر کون اۉتیب تۉختهتیلگن.
ترامپ نینگ ایتیشیچه، بو عملیات پاکستان و باشقه دولتلر سۉراویگه بناءً وقتینچه تۉختهتیلگن، چونکه واشنگتن و تهران اۉرتهسیده کېلیشووگه اېریشیش جریانی دوام اېتماقده.
