پاکستان تشقی ایشلر وزیرلیگینینگ معلومات بېریشیچه، امریکا تامانیدن قۉلگه آلینگن ایراننینگ کانتنیر کېمهسی « اموی توسکا» نینگ۲۲ کیشی خادمی پاکستانگه کۉچیریلدی.
پاکستان تشقی ایشلر وزیرلیگینینگ سۉزلاوچیسی، اوشبو شخصلر تیناوون کېچهسی اوچاق آرقهلی پاکستانگه آلیب کېلینگن و بوگون (دوشنبه، ۱۴ثور) اېران رسميلریگه تاپشیریلهدی دېگن.
اونینگ قۉشیمچه قیلیشیچه، بو قدم امریکا تامانیدن «ایشانچنی مستحکملش» چارهسی صفتیده عملگه آشیریلگن. شونینگدېک، قۉلگه آلینگن کېمه ضرور ترمیملش ایشلریدن سۉنگ، قَیته اېگهلریگه تاپشیریش اوچون پاکستان حدودي سوولریده قَیته یوکلنهدی.
پاکستان تشقی ایشلر وزیرلیگی بو کبی ایشانچنی مستحکملاوچی حرکتلرنی آلقیشلب، منطقوي تینچلیک و خوفسیزلیک بۉییچه واسطهچیلیک سعی-حرکتلرینی دوام اېتتیریش همده دیپلوماتیک و ملاقاتنی قۉللب-قوّتلشینی بیلدیرگن.
خبرلرگه کۉره، امریکا حربي کوچلری تخمیناً۱۵ کون اوّل عرب دېنگیزیده اوشبو ایران یوک کېمهسینی اۉققه توتیب تۉختهتگن و اونی اۉز نظارتیگه آلگن اېدی.
اۉتگن هفته اېسه کېمهدهگی۶ نفر یۉلاوچی باشقه منطقوي کېمه آرقهلی ایرانگه قَیتریلگن بۉلیب، ایران عامهوي اخبارات واسطهلری اولرنی « اموی توسکا» اعضالرینینگ عایله اعضالری دېب خبر قیلگن.
