امریکا قۉشمه ایالتلرینینگ جمهور رییسی دونالد ترامپ تروثسوشیال پلاتفورمیده هرمز بۉغازی خریطهسینی اعلان قیلدی. خریطه اوستیده اېسه «ترامپ بۉغازی» دېب یازیلگن اېدی.
ترامپ اوّلراق هم، حمل آیی باشیده ایران بیلن اوروش حقیده قیلگن نطقیده هرمز بۉغازینی «ترامپ بۉغازی» دېب اتهگن اېدی.
اۉشه نطقیده او دستلب: «ایران ترامپ بۉغازیعنی آچیشی کېرهک»، دېگن.
حاضر کیشیلر کولگنیدن سۉنگ اونینگ قۉشیمچه قیلیشیچه: «مېن ترامپ بۉغازی دېدیم، اصلیده هرمز بۉغازینی نظرده توتگندیم. کېچیرهسیز، بو جوده یامان خطا بۉلدی. ساخته ینگیلیکلر بو تصادفي خطا اېدی، دېب ایتهدی، لېکن همه بیلهدی، مېن جوده کم خطا قیلهمن.»
امریکا و اسرایلنینگ ایران بیلن اوروشی باشلنگنیدن بېری هرمز بۉغازی آرقهلی نفت تانکرلرینینگ حرکتی کېسکین ایزدن چیققن و سېزیلرلی درجهده کمهیگن.
بونینگ آرتیدن جهان بازاریده نفت نرخلری هم کېسکین آشدی و سۉنگگی ایکّی کون ایچیده بیر بررېل اوچون قریب 120 دالرگه یېتدی.
ایران اېسه کېمهلر و تانکرلر فقط اوشبو مملکت قوراللی کوچلری بیلن کېلیشیلگن حالده هرمز بۉغازیدن اۉتیشی ممکنلیگینی بیلدیرماقده.
امریکا هم اېران بندرلرینی قمل قیلگنینی معلوم قیلیب، هېچ بیر کېمهگه بو بندرلرگه کیریش یاکه چیقیشگه رخصت بېریلمسلیگینی تأکیدلهگن.
