بیرلشگن ملتلر تشکیلاتی باش کاتبی آنتونیو گوترش، امریکا تامانیدن ایران بیلن اۉت آچیشنی تۉختهتیش مدتی اوزهیتیریلگنی حقیدهگی اعلاننی آلقیشلهدی.
بیرلشگن ملتلر تشکیلاتی باش کاتبی بو قدمنی کېسکینلیکنی کمهیتیریش و ایران همده امریکا اۉرتهسیده دیپلوماتيک و اۉزارا ایشانچنی شکللنتیریش اوچون مهم امکانیت یرهتهدی، دېب تأکیدلهدی.
او برچه تامانلرنی اوشبو امکانیتدن فایدهلنیشگه، اۉت آچیشنی تۉختهتیش مدتینی ضعیفلشتیریشی ممکن بۉلگن حرکتلردن تيیلیشگه و برقرار همده اوزاق مدتلی یېچیمگه اېریشیش اوچون مذاکرهلرده کانتروکتیف اشتراک اېتیشگه چقیردی.
شونینگدېک، بمت باش کاتبی پاکستان نینگ مذاکرهلرنی آسانلشتیریش بارهسیدهگی سعی-حرکتلرینی قۉللب-قوّتلشینی بیلدیریب، بو تشبثلر ماجراگه کېنگ قمراولی و برقرار یېچیم تاپیشگه خدمت قیلیشیگه امید بیلدیردی.
امریکا جمهور رییسی دونالد ترامپ اېسه پاکستان باش وزیری و اوردو قوماندانی التماسیگه بناءً، ایران بیلن اۉت آچیشنی تۉختهتیش مدتینی اولر نینگ تکلیفی تقدیم اېتیلیب، مذاکرهلر یکونیگه یېتگونچه اوزهیتیرگنینی اعلان قیلگن.
اېران حکومتی حاضرچه اۉت آچیشنی تۉختهتیش رېجیمی نینگ اوزهیتیریلیشی یوزهسیدن رسمي بیانات بېرمهگن. بیراق تسنیم اخبارات آژانسی نینگ یازیشیچه، ایران بوندهی اوزهیتیریش بۉییچه تکلیف کیریتمهگن.
