امریکا جمهور رییسی دونالد ترامپ، ایران بیلن اۉرنهتیلگن اۉت آچیشنی تۉختهتیش رژیمینی اولرنینگ پیشنهاد بېریشی و مذاکرهلر نتیجه بېرگونچه اوزهیتیرگنینی اعلان قیلدی.
اقش جمهور رییسی تروثسوشیال شوندهی یازدی: «اصلیده ایران حکومتی ایچیده جدّي بۉلینیش یوزهگه کېلگنینی حسابگه آلیب بو اېسه کوتیلمهگن حالت اېمس اېدی، فیلدمارشال عاصم منیر و پاکستان باش وزیری شهباز شریف بیزدن ایرانگه قرشی هجومنی، اولرنینگ رهبرلری و وکیللری یگانه و موافقلشتیریلگن پیشنهاد بېره آلمهگونچه تۉختهتیب توریشنی سۉرهشدی.»
او ینه قۉشیمچه قیلدی: «شو سببلی، مېن امریکا اوردوسیگه قملنی دوام اېتتیریش و باشقه برچه یۉنهلیشلرده تۉلیق جنگاور تیارگرلیک حالتیده قالیش بۉییچه بویروق بېردیم. دېمک، اولر نینگ تکلیفی تقدیم اېتیلیب، مذاکرهلر قندهی بۉلمسین نتیجهگه اېریشگونچه اۉت آچیشنی تۉختهتیش رېجیمینی اوزهیتیرهمن.»
ایران و امریکا اۉرتهسیدهگی ایکّی هفتهلیک اۉت آچیشنی تۉختهتیش بوگون اېرتهلب یکونلندی. اونینگ مدتی توگهشیگه یقینلشگن سری اوروش نینگ قَیته باشلنیشی بارهسیدهگی خواطرلر هم آرتگن اېدی.
مذکور اۉت آچیشنی تۉختهتیش عینِ پیتده یکونیگه یېتدیکی، ینگی باسقیچ مذاکرهلر نینگ تقدیری حلی هم ناانیق بۉلیب قالماقده. اېران اېسه امریکا تامانیدن دېنگیزدن قمل قیلینگنی سببلی بو مذاکرهلرده اشتراک اېتیشگه تیار اېمسلیگینی کۉرسهتگن.
