«نیویورک پُست»نینگ خبر بېریشیچه، امریکا جمهور رئیس اۉرینب باسری جیدی ونس اسلام آبادده ایران بیلن مذاکرهلرنینگ بیرینچی باسقیچیده امریکا هیئتیگه رهبرلیک قیلگن، بو مذاکرهلرنینگ ایکّینچی باسقیچیده اشتراک اېتمهیدی.
امریکا جمهور رییسی دونالد ترامپ اوشبو نشرگه بېرگن مصاحبهسیده، اونینگ یقین شرق بۉییچه مخصوص نمایندهسی استیو ویتکاف و کویاوی جرد کوشنر ایران بیلن مذاکره قیلیش اوچون اسلام آبادگه باریشینی ایتگن.
امریکا جمهور رییسی تیلفون آرقهلی بېرگن بیاناتیده مذاکرهلر سهشنبه کونیگه رېجهلشتیریلگنینی بیلدیرگن.
دونالد ترامپ بوندن آلدین تروثسوشیال ترماغیده هم وکیللری اېرتهگه کېچقورون اسلام آبادده اېران بیلن مذاکره آلیب باریشینی یازگن اېدی.
امریکا جمهور رییسی ایران اوچون «عدالتلی کېلیشوو» تکلیف قیلینیشینی ایتدی، اما اگر بو تکلیف قبول قیلینمسه، امریکا ایراننینگ برچه الکتر ستشنلری و کۉپریکلرینی یۉق قیلیشینی تأکیدلهدی.
ایران حاضرچه امریکا بیلن مذاکرهلرنینگ ایکّینچی باسقیچی و اونینگ وقتینی تصدیقلهمهگن.
ترامپنینگ ایتیشیچه، بو مذاکره ایکّی تامان اۉرتهسیدهگی ایکّی هفتهلیک اۉت آچیشنی تۉختهتیش مدتی توگهشیدن بیر کون آلدین اۉتکزیلهدی.
ایکّی تامان اۉرتهسیدهگی بیرینچی باسقیچ مذاکرهلری اۉتگن هفته شنبه کونی اسلام آبادده بۉلیب اۉتگن، بیراق 21 ساعتدن سۉنگ انیق نتیجه و کېلیشووسیز یکونلنگن.
