ایران تشقی ایشلر وزیری عباس عراقچی، لبنانده آتیش کېسیت اۉرنهتیلگنیدن سۉنگ، اوشبو دولت بیلن امریکا اۉرتهسیدهگی آتیش کېسین مدتی دوامیده هرموز بۉغازی تۉلیق آچیق بۉلیشینی معلوم قیلدی.
ایران تشقی ایشلر وزیری بوگون (جمعه،۲۸-حمل) توشدن کېین ایکس اجتماعی ترماغیده یازگن پُستیده، بو مدت ایچیده سودا کېمهلرینینگ حرکتی «ایران بندرلری و دېنگیزچیلیک تشکیلاتی تامانیدن اوّل اعلان قیلینگن موافقلشتیریلگن یۉنهلیشلر» آرقهلی تۉلیق اېرکین بۉلیشینی تأکیدلهدی.
لبنان و اسرایل اۉرتهسیدهگی آتیش کېسین کېچه توندن باشلب کوچگه کیرگن بۉلیب، ایران اونی امریکا بیلن اېریشیلگن آتیش کېسین کېلیشووینینگ بیر قِسمی صفتیده بهالب، آلقیشلهگن.
ایران امریکا بیلن ایکّی هفتهلیک آتیش کېسیندن سۉنگ، اسرایلنینگ لباندهگی حزبالله گه قرشی هجوملرینی آتیش کېسیننی بوزیش دېب اتهب، اولرنی تۉختهتیشگه چقیرگن اېدی.
