قطر تشقی ایشلر وزیرلیگی لبنان و اسرایل اۉرتهسیدهگی آتیش کېسین اعلان قیلینگنینی ممنونیت بیلن قرشی آلیب، اونی کېسکینلیکنی کمهیتیریش یۉلیدهگی مهم قدم دېب بهالهدی.
مذکور وزیرلیک بوگون (جمعه، ۲۸- حمل) نشر قیلگن بیاناتیده تینچلیکنی سقلش و منطقهدهگی ینهده کوچهییب بارهیاتگن ترنگلیکنینگ آلدینی آلیش اوچون آتیش کېسینگه تۉلیق و زودلیک بیلن رعایه اېتیشگه چقیردی.
قطر تشقی ایشلر وزیرلیگی امریکا جمهور رییسی دونالد ترامپ نینگ اوشبو آتیش کېسینی تأمینلش یۉلیده واسطهچیلیک قیلگن سعی-حرکتلرینی هم یوقاری بهالهدی.
وزیرلیک اوشبو آتیش کېسین منطقهده کېنگ قمراولی، عدالتلی و برقرار تینچلیککه اېریشیش یۉلیدهگی منطقوي و خلقارا سعی-حرکتلرنی قۉللب-قوّتلشیگه امید بیلدیردی.
امریکا جمهور رییسی دونالد ترامپ تیناوون لبنان و اسرایل اۉرتهسیده اۉن کونلیک آتیش کېسین گه اېریشیلگنینی اعلان قیلگن اېدی.
او اوشبو اعلاندن سۉنگ لبناندهگی حزب الله گروهینی هم آتیش کېسین گه عمل قیلیشگه چقیردی.
اېران تشقی ایشلر وزیرلیگی هم بو آتیش کېسیننی آلقیشلب، لبناندهگی اوروش نینگ تۉختهتیلیشی ایران و امریکا اۉرتهسیدهگی، پاکستان واسطهچیلیگیده اېریشیلگن آتیش کېسین کېلیشووی نینگ بیر قِسمی اېکنینی تأکیدلهدی.
