پاکستان باش وزیری شهباز شریف سعودیه عربستانیگه قیلگن سفری دوامیده محمد بن سلمان بیلن اوچرهشیب، منطقهدهگی وضعیت یوزهسیدن مذاکرهلر آلیب باردی.
پاکستان باش وزیری ادارهسی نینگ نشر قیلگن بیاناتیگه کۉره، تخمیناً بیر ساعت دوام اېتگن اوشبو اوچرهشووده تامانلر منطقهده یوز بېرهیاتگن اۉزگریشلر حقیده باتفصیل فکر المشگن.
بیاناتده ایتیلیشیچه، شهباز شریف سعوديه ولیعهد شهزادهسینی ایران و امریکا قۉشمه ایالتلری اۉرتهسیده اۉت آچیشنی تۉختهتیشگه آلیب کېلگن سعی-حرکتلر، شونینگدېک، اسلام آبادده بۉلیب اۉتگن تینچلیک مذاکرهلری حقیده خبردار قیلگن.
پاکستان باش وزیری دفتری شونینگدېک، سعوديه ولیعهد شهزادهسی اوشبو جریانده باش وزیر و پاکستان اوردوسی قوماندانلیگی نینگ ایجابی رۉلینی یوقاری بهالهگنینی بیلدیرگن.
شو بیلن بیرگه، بیاناتده شهباز شریف اوچرهشوو دوامیده سعوديه عربستانی نینگ حاضرگی بحراندهگی «نمونهلی صبر و وزمینلیگینی» هم علیحده تأکیدلهگنی قید اېتیلگن.
شهباز شریف، امریکا و ایران اۉرتهسیدهگی اۉت آچیشنی تۉختهتیش و مذاکرهلرده واسطهچیلیک قیلهیاتگن شخص صفتیده، تیناوون تۉرت کونلیک منطقوي سفرنی باشلهگن.
او دستلب سعودی عربستانی بارگن و کېینچهلیک قطر همده تورکیهگه تشریف بویوریب، منطقهدهگی کېسکینلیکنی کمهیتیریش بۉییچه سعی-حرکتلرنی موافقلشتیریشی رېجهلشتیریلگن.
