خلق ارا عاموی اخبارات واسطهلرینینگ خبر بېریشیچه، تورکيهنینگ جَنوب-شرقیدهگی بیر مکتبده صادر بۉلگن آتیشمه عاقبتیده کمیده۴ کیشی۳ نفر اۉقووچی و 1کیشی اۉقیتووچی جان بېرگن، ینه۲۰ کیشی یرهلنگن.
روتېرز خبریگه کۉره، اوشبو حادثه بوگون (چهارشنبه،۲۶ حمل) تورکيهنینگ قهرمان مرعش ولایتیده یوز بېرگن و بو سۉنگگی ایکّی کون ایچیده مملکت مکتبلریده صادر بۉلگن ایکّینچی آتیشمه حسابلنهدی.
خبرگه کۉره، قهرمان مرعش ولایتی حاکمی مکرّم اۉنلرنینگ ایتیشیچه، وایهگه یېتمهگن بیر اۉقووچی اوّل اوچ نفر صنفداشی و بیر اۉقیتووچینی آتیب اۉلدیرگن، سۉنگره اۉز جانیگه قصد قیلگن.
اونینگ قۉشیمچه قیلیشیچه، اوشبو هجومده یرهلنگنلردن 4 نفری آغیر احوالده بۉلیب، اولر جراحلیک عملیاتیگه آلینگن.
تیناوون هم تورکيهنینگ «شانلی اورفه» ولایتیده سابق اۉقووچی آتیشمه اویوشتیریب، کمیده۱۶ نفر اۉقووچی و اۉقیتووچینی جراحتلهگن و کېین اۉز جانیگه قصد قیلگن.
تورکيهده مکتبلردهگی بوندهی آتیشمهلر جوده کم اوچرهیدی. مملکت باش قاره لاوچیلیگی مذکور حادثهلر یوزهسیدن تېرگاو آلیب بارهیاتگنینی معلوم قیلگن.
