ایتالیا باش وزیری جورجیا ملونی حکومتی اسرایل بیلن مدافعه همکارلیک بیتیمینی وقتینچه تۉختهتگنینی اعلان قیلدی.
رویترز خبریگه کۉره، ملونی بوگون (سهشنبه، ۲۵-حمل) ایتالیانینگ شِمالیدهگی وېرانه شهریگه سفری چاغیده شوندهی دېگن:
«جاري شرایطلرنی انابتگه آلیب، حکومت اسرایل بیلن مدافعه کېلیشووینینگ اتوماتیک اوزهیتیریلیشینی تۉختهتیشگه قرار قیلدی.»
رویترز منبعسیگه کۉره، باش وزیر بو قرارنی کېچه اۉزینینگ اۉرینباسری همده مدافعه و تشقی ایشلر وزیرلری بیلن بیرگهلیکده قبول قیلگن.
ملونی باشچیلیگیدهگی اۉنگ قنات حکومت اروپاده اسرایل نینگ یقین اتفاقچیلریدن بیری حسابلنردی. بیراق سۉنگگی هفتهلرده او اسرایلنینگ لبنانگه قیلگن هجوملرینی تنقید قیلدی. اوشبو هجوملر نتیجهسیده یوزلب تینچ اهالی هلاک بۉلگن.
اۉتگن هفته اسرایل بیرلشگن ملتلر تشکیلاتی ماموریتی دایرهسیده لبنانده خدمت قیلهیاتگن ایتاليالیک حربيلر تامانگه آگاهلنتیرووچی اۉق اوزگن. نتیجهده اولرنینگ بیر ترانسپورت واسطهسیگه ضرر یېتگن.
روتیرزنینگ یازیشیچه، اسرایل تشقی ایشلر وزیرلیگی مطبوعات بو مسأله یوزهسیدن ایضاح بېریشدن باش تارتگن.
مذکور مدافعه بیتیمی نینگ تۉختهتیلیشی ایتاليا حکومتی نینگ احتیاطکار سیاستگه اۉتهیاتگنیدن درَک بېرهدی. شو بیلن بیرگه، مخالفت گروهلری هم ملونی حکومتیگه اسرایل بیلن مدافعه کېلیشووینی تۉختهتیش بۉییچه باسیم اۉتکزیب کېلهیاتگن اېدی.
