امریکا قۉشمه ایالتلرینینگ جمهور رییسی دونالد ترامپ امریکا و ایران اۉرتهسیدهگی نازک صلح یانیده، اگر «حقیقي کېلیشوو» تۉلیق عملگه آشیریلمسه، اوروش ینه کېنگ کۉلمده باشلنیشی ممکنلیگینی ایتدی.
او اۉزی نینگ تروثسوشیال پلاتفورمیده یازیشیچه، اگر کېلیشوو بجریلمسه، «آتیشمهلر قیتهدن باشلنهدی» و بو اوّلگیدن هم «کوچلیراق و کېنگراق» بۉلهدی. شونینگدېک، امریکا نینگ حربي کوچلری، کېمهلری و اوچاقلری ضرور بۉلسه حرکتگه تیار حالتده قالیشینی تأکیدلهگن.
ترامپ کېلیشوو شرطلری آرهسیده ایران نینگ هسته قورالیگه اېگه بۉلمسلیگی و هرمز بۉغازی آچیق همده خوفسیز قالیشینی علیحده قید اېتگن.
شو آرهده ایران مجلسی باشلیغی محمدباقر قالیباف صلح نینگ بوزیلگنینی ایتیب، اَیریم حربي و سیاسي حرکتلرنی تنقید قیلگن.
خبرلرگه کۉره، تامانلر اۉرتهسیدهگی مذاکرهلر جمعه کونی اسلام آباد مېزبانلیگیده بۉلیب اۉتیشی رېجهلشتیریلگن.
