ایران و امریکا اۉرتهسیده ایکّی هفتهلیک آتش کېسین اعلان قیلینگچ، جهان بازاریده نفت نرخلری سېزیلرلی درجهده پهسهیدی و خام نفت همده برنت نرخی۱۰۰ دالردن پستگه توشدی.
رویترز خبریگه کۉره، امریکا خام نفتینینگ بیر بشکهسی قریب ۱۵ فایزگه ارزانلب،۹۶.۳۱دالرگه، برنت نفتی اېسه قریب۱۳فایزگه توشیب،۹۵.۷۱ دالرگه یېتگن.
شو بیلن بیرگه، آسیا فوند بازارلریده اکسیهلر نرخی هم آتش کېسین آرتیدن اۉسیشنی باشلهگن. رویترزنینگ یازیشیچه، جاپاننینگ نیکی ایندېکسی قریب۵ فایزگه، جَنوبي کارېیه نینگ کوسپی ایندېکسی اېسه۶ فایزگه آشگن.
اوّلراق امریکا و اسرایلنینگ ایران بیلن اوروشی باشلنگچ و هرمز بۉغازی آرقهلی کېمهلر همده نفت تانکرلری نینگ حرکتی کېسکین کمهیگچ، جهان بازاریده نفت نرخلری سېزیلرلی درجهده آشگن اېدی.
آتش کېسین دن سۉنگ اېران «ایکّی هفته دوامیده هرمز بۉغازیده خوفسیز قتناو تخنیکي چېکلاولرنی حسابگه آلگن حالده، اېران قوراللی کوچلری بیلن موافقلشتیریلگن طرزده تأمینلنهدی»، دېب اعلان قیلگن.
دنیا نفتی نینگ قریب۲۰ فایزی عیناً هرمز بۉغازی آرقهلی تشیلهدی و بو یۉلکدهگی هر قندهی اوزیلیش گلوبل بازارگه کتّه تأثیر کۉرسهتهدی.
