رویترزنینگ بیر امریکالیک رسميگه تهیهنیب یازیشیچه، امریکا ینه خارگ آرالیدهگی حربي نشانلرگه هجوم قیلگن.
اوشبو رسميگه کۉره، هجومده ایراننینگ نفت تاسیساتلری نشانگه آلینمهگن.
رویترز شو بیلن بیرگه امریکا جمهور رییسینینگ اۉرین باسری جی دی ونس بوداپستدهگی چیقیشیده خارگ آرالیگه قیلینگن هجومنی تصدیقلهگنینی یازگن.
اونینگ ایتیشیچه، بو هجوم امریکانینگ دونالد ترامپ دوریدهگی استراتیژيسیده اۉزگریش بارلیگینی انگلهتمهیدی و ایران بیلن بېریلگن مدت هم اۉزگرمهگن.
امریکا جمهور رییسی اۉرین باسری شوندهی دېگن: «بیز انرژی تاسیساتلرگههجوم قیلمهیمیز، فقط اېرانلیکلر بیز قۉللب-قوّتلهی آلهدیگن تکلیف بېرمهگونچه یاکه عموماً تکلیف بېرمهگونچه.»
ایران مهر خبرآژانسی اېسه بوگون توشدن کېین خارگ آرالیگه ینه هجوم قیلینگنی و بیر نېچته پارتلشلر صادر بۉلگنینی خبر قیلگن.
امریکا اوّل هم، اۉتگن ییل۲۲حوتده اوشبو آرالگه هجوم قیلیب،۹۰ ته حربي نشان یۉق قیلینگنینی ایتگن اېدی.
خارگ آرالیگه هجوم دونالد ترامپ اېران بیلن کېلیشوو اوچون بېرگن مدت توگش عرفهسیده عملگه آشیریلگن.
ترامپ اوّل آگاهلنتیریب، اگر ایران کېلیشووگه بارمسه، مملکت تاسیساتلری نشانگه آلینیشی و اونی «تاش عصریگه قَیتریش» ممکنلیگینی ایتگن اېدی.
