اسرایل عامهوي اخبارات واسطهلرینینگ خبر بېریشیچه، ایرانگه تېگیشلی بالیستیک راکت حیفا شهریدهگی بیر بناگه کېلیب اوریلگن و نتیجهده کمیده۲ کیشی جان بېرگن، ینه۲کیشی اېسه هنوز بېدرَک یۉقالگن.
«تایمز آف اسرائیل» خبریگه کۉره، اوشبو هجومده ینه۴کیشی جراحت آلگن.
اسرایل رسميلری قوتقروو و قیدیروو ایشلری دوام اېتهیاتگنینی، ویرانهلر آستیدن قالگن ایکّی کیشینی چیقریش اوچون حرکت قیلینهیاتگنینی بیلدیرگن.
اسرایل پولیسینینگ معلوم قیلیشیچه، بناگه کېلیب اوریلگن راکت کلّهگی بیر نېچه یوز کیلوگرام پارتلاوچی مادّهگه اېگه بۉلگن.
«تایمز آف اسرائیل» پولیسگه تهیهنیب یازیشیچه، راکت کلّهگی پارتلهمهگن، فقط ضربهنینگ کوچی نتیجهسیده بنا نینگ بیر نېچه قبتی قولهب توشگن.
ایسرایل حکومتی حاضرچه اوشبو هجومده هلاک بۉلگنلرنینگ کیملیگینی اعلان قیلمهگن.
