امریکا جمهور رییسی دونالد ترومپ، بویوک بریتانيا کبی دولتلرگه اولر ایران بیلن اوروشده اشتراک اېتمهگن و حاضر جېت یاقیلغیسینی تأمینلش بۉییچه بحرانگه دوچ کېلهیاتگن «جسارت کۉرسهتینگ و هرمز بۉغازینی اېگهللنگ» دېب ایتگن.
امریکا جمهور رییسی بوگون (سهشنبه،۱۱حمل) تروثسوشیال ترماغیده پُست نشر قیلیب، بو دولتلرگه قوییدهگیلرنی تکلیف قیلگن:
«بیرینچیدن، امریکادن ساتیب آلینگ بیزده یېترلیچه بار، ایکّینچیدن اېسه کېچیککن جسارتینگیزنی کۉرسهتینگ و هرمز بۉغازیگه بارینگ و اونی اېگهللنگ.»
اونینگ سۉزلریگه کۉره، «سیز اۉزینگیز اوچون قندهی جنگ قیلیشنی اۉرگنیشینگیز کېرهک. امریکا اېندی سیزگه یاردم بېریش اوچون او یېرده بۉلمهیدی، خودّی سیز بیز اوچون او یېرده بۉلمه گنینگیزدېک. ایران اساسن یۉق قیلینگن. ایشنینگ قیین قِسمی الّهقچان توگهگن. اۉزینگیزنینگ نفتینگیزنی آلینگ.»
هرمز بۉغازی آرقهلی کېمهلر و تانکرلر حرکتی کېسکین کمهیگنیدن سۉنگ، دنیا بۉییچه نفت نرخلری آشگنی ایتیلماقده.
ایران اېسه بو دورده فقط چین، هندستان و پاکستانگه تېگیشلی کېمهلرگه اۉتیشگه رخصت بېرگنی، «دشمنلری و اولرنینگ اتفاقچیلری» کېمهلری اېسه نشانگه آلینیشی ممکنلیگینی بیلدیرگن.
دونالد ترامپ بیر نېچه بار هرمز بۉغازینی آچیش مسألهسیده ناتو و باشقه دولتلرنی همکارلیککه چقیرگن، اما کۉپلب دولتلر بېواسطه اوروشگه قۉشیلیشدن باش تارتگن.
