اسرایل اوردوسی یمن تامانیدن مملکتی ساری اوچیریلگن راکتنی انیقلهگنینی معلوم قیلدی.
رویترز اخبارات آژانسیگه کۉره، اسرایل اوردوسی بو راکت مملکتینینگ هوا مدافعهسی تیزیمی تامانیدن توتیب قالینگنینی بیلدیرگن.
اوشبو خبرگه کۉره، بو امریکا و اسرایلنینگ ایران بیلن اوروشی باشلنگنیدن بېری بیرینچی مرته یمن تامانیدن اسرایل ساری راکت اوچیریلیشی حسابلنهدی.
ایران یېتکرمهلری هم یمن حوثيلری ایراننی قۉللب-قوّتلش مقصدیده اوروشگه کیریشگه تیارلیگینی بیلدیرگنینی خبر قیلگن.
حوثيلر وکیلی یحی سریع اگر باشقه دولتلر امریکا و اسرایل تامانیده ایران بیلن اوروشگه کیرسه، یاکه قیزیل دېنگیز اېران یاکه باشقه مسلمان دولتلرگه قرشی حربي حرکتلر اوچون ایشلهتیلسه، یاکه ایرانگه قرشی هجوملر کوچهیسه، اولر هم اوروشگه قۉشیلیشینی ایتگن.
حوثيلر اوّلراق غزهنی قۉللب-قوّتلب اسرایل بیلن اوروشگه کیرگن و قیزیل دېنگیزدهگی دېنگیز تشوولرینی هم ایزدن چیقرگن اېدی.
