امریکا جمهور رییسی دونالد ترامپنینگ ایتیشیچه، او اسرایل باش وزیری بنیامین نتانیاهوگه ایراننینگ نفت و گاز انشاتلریگه اېندی هجوم قیلمسلیکنی ایتگن و او هم بونی تکرارلهمهیدی.
ترامپ بو گپلرنی بوگون کېچقورون (پنجشنبه،۲۸ حوت) آق اویده جاپان باش وزیری سانائه تاکایچی بیلن اوچرهشووده ایتگن.
اسرایل کېچه اېراندهگی پارس جَنوبي نفت انشاتلرینی نشانگه آلگن اېدی.
دونالد ترامپ بوگون اېرتهلب هم امریکا بو هجومدن بېخبر بۉلگنینی ایتگن.
بو هجوم آرتیدن ایران قطردهگی رأس لفان نفت انشاتلرینی نشانگه آلدی و بوگون کېچقورون هم اسرایلدهگی حیفا نفتنی قَیته ایشلش فابریکهسیگه هجوم قیلدی.
اسرایلنینگ پارس جَنوبي نفت انشاتلریگه هجومی و ایران نینگ قطردهگی رأس لفان نفت انشاتلریگه هجومی اروپاده گاز نرخی نینگ۲۵ فایزگچه آشیشیگه سبب بۉلدی.
