اسرائیل عامهوي اخبارات واسطهلرینینگ خبر بېریشیچه، بوگون تانگ (چهارشنبه،۲۷ حوت) اېران تامانیدن عملگه آشیریلگن راکت هجوملری عاقبتیده اوشبو مملکتده ۷۰یاش اطرافیدهگی بیر اېر و خاتین اۉلدیریلگن.
کانال۱۲ اسرائیلنینگ خبر بېریشیچه، اوشبو اېر و خاتین تلآویو یقیندهگی راماتگان منطقهسیده هلاک بۉلگن.
مذکور منبعگه کۉره، جُفتلیک حرکتلنیشده قیینهلگن و راکت هجومی سیگنالینینگ چهلیشی آرتیدن اۉزلرینی پولیس باشپناهیگه یېتکزالمهگن.
کانال۱۲ اسرائیل خبریگه کۉره، ایراندن اوچیریلگن بعضی راکتلر کۉپ آغیرلیککه اېگه بۉلگن و اولرنی یۉنهلتیریشدن سۉنگ توشگن قالدیقلر نسبتاً کېنگ ضرر یېتکزگن.
ایران تلویزیونی بو هجوملرنی تصدیقلهشیچه، اوشبو ینگی هجوملرده ایران تل آویوگه قۉشهی راکتلردن فایدهلنگن.
اوشبو ایکّی کیشینینگ هلاک بۉلیشی بیلن، اسرایلده ایران بیلن حاضرگی اوروش باشلنگندن بېری هلاک بۉلگنلر سانی 14 کیشیگه یېتگن.
ایراننینگ اسرائیلگه قیلگن هجوملریده شونینگدېک،۳۵۰۰ دن آرتیق کیشی یرهلنگن و شفاخانهلرگه یېتکزیلگن، اولرنینگ بعضیلری هنوز دوالنیشده دوام اېتماقده.
