امریکا جمهور رییسی دونالد ترامپنینگ ایتیشیچه، حاضرگچه امریکا ایران دېنگیز کوچلرینینگ تۉقّیزته کېمهسینی یۉق قیلگن و چۉکتیرگن.
ترامپ تروث سوشیال ترماغیده یازیشیچه، بو کېمهلرنینگ اَیریملری نسبتاً ییریک و مهم بۉلگن.
اونینگ قۉشیمچه قیلیشیچه، اېراننینگ باشقه کېمهلری هم نشانگه آلینهدی و اولر هم دېنگیز توبیگه چۉکتیریلهدی.
اېران اسلامي سپاه پاسدارنی اېسه فارس قۉلتیغی و هورمز بۉغازی حدودیده امریکا و بویوک بریتانياگه تېگیشلی اوچته تورلی نفت تانکېریگه راکت هجومی اویوشتیریلگنینی دعوا قیلگن. اولرنینگ ایتیشیچه، بو تانکېرلر حاضرده یانیب کېتماقده.
امریکا و اسرایلنینگ اېرانگه قرشی اوروشی باشلنگنیدن سۉنگ، هورمز بۉغازیدن کېمهلر و نفت تانکېرلری نینگ قتناوی تۉختهگن و جهان بازاریده نفت نرخی آشگن.
