بریتانیا پولیسی بویوک بریتانيا قیرالی اوکهسی اندرو مونتباتن-ویندزورنی دولت لوازملریده سوء استعمال گمانی بیلن حبسگه آلدی.
بیبیسی خبریگه کۉره، او بوگون (پنجشنبه، 30 دلو) اېرتهلب حبسگه آلینگن و حاضرده پولیس قماقخانهسی نظارتیده سقلنماقده.
بویوک بریتانيا قیرالی اوکهسی جنسي جنایتچی صفتیده تنیلگن جفری اپستین ایشی بیلن باغلیق بیر نېچته عیبلاولرگه دوچ کېلماقده.
بریتانيادهگی تیمز ولی پولیس شهزاده نینگ حبسگه آلینیشی عرفهسیده اندرو مونتباتن تامانیدن جفری گه مخفي معلوماتلر اولشیلگنی حقیدهگی شکایتنی تېکشیرهیاتگنینی معلوم قیلگن اېدی.
بیبیسی نینگ خبریگه کۉره، بریتانيا پولیسی سابق شهزاده نینگ اوی-جایلری و مال-ملکینی هم تېکشیرماقده.
بویوک بریتانيا قیرالی اوکهسی اوّل هر قندهی قانونبوزرلیکنی رد اېتگن.
بویوک بریتانيا قیرالی بیانات اعلان قیلیب، اوکهسی نینگ دولت لوازملریده سوء استعمال گمانی بیلن حبسگه آلینگنی حقیدهگی خبردن چوقور تشویشده اېکنینی بیلدیرگن.
او بو مسأله صلاحیتلی ادارهلر تامانیدن تېگیشلی ترتیبده کۉریب چیقیلیشینی و قانون اۉز یۉلی بیلن ایشلشی لازملیگینی تأکیدلهگن.
سابق شهزادهنینگ حبسگه آلینیشی و جفری اپستین ایشی بیلن باغلیق عیبلاولر بریتانيا قیراللیک عایلهسینی کوچلی باسیم آستیده قالدیردی.
