خلق ارا عامهوي اخبارات واسطهلرینینگ خبر بېریشیچه، «بنگلادش ملي حزبی» طارق رحمن باشچیلیگیدهگی حزب مملکت پارلمان سیلاولریده انیق غلبهگه اېریشدی و او احتمالي بنگلادشنینگ کېلهجکدهگی باش وزیری بۉلهدی.
رویترز خبریگه کۉره، اوشبو حزب و اونینگ اتفاقچیلری ۲۹۹ نفر پارلمان اعضاسینینگ۲۱۲ تهسینی قۉلگه کیریتدی.
جماعت اسلامی حزبی و اونینگ اتفاقچیلری، اولر بنگلادش ملي حزبینینگ رقیبلری حسابلنهدی، بو سیلاولرده فقط ۷۰ ته اۉریننی قۉلگه کیریتدی.
رسمي نتیجهلر محلي وقت بیلن بوگون توشگه قدَر اعلان قیلینیشی کوتیلماقده.
بو سیلاو، بنگلادش اوّلگی باش وزیر شیخ حسینه حکومتینینگ اغدریلیشیدن کېین اۉتکزیلگن بیرینچی پارلمان سیلاوی دیر.
شیخ حسینه حکومتی۲۰۲۴ ییل اگست آییده طلبهلر نمایشلری عاقبتیده قولهب توشدی و مملکت نوبل تینچلیک مکافاتی ساورینداری محمد یونس باشچیلیگیدهگی وقتینچهلیک حکومت تامانیدن باشقریلماقده.
بنگلادش ملي حزبی رهبری خالد رحمان، شیخ حسینه حکمرانلیگی دوریده قاچقینلیکده بۉلگن، ۲۰۲۵ییل دسمبر آییده۱۸ ییل دوامیده مملکتگه قَیتدی.
او، سابق جمهور رییس ضیاء الرحمان و سابق باش وزیر خالده ضیا اۉغلی حسابلنهدی.
طارق رحمن باشچیلیگیدهگی بنگلادش ملي حزبی ایش اۉرینلرینی یرهتیشنی، کم تامینلنگن و چېکّه حدودلردهگی عایلهلرنی قۉللب-قوّتلشنی و قیشلاق خۉجهلیگی نرخلرینی پسهیتیریشنی اوستوار وظیفه دېب وعده قیلگن.
هندستان باش وزیری نارندرا مودی، پاکستان باش وزیری شهباز شریف و امریکانینگ بنگلادشگی اېلچیسی طارق رحمن باشچیلیگیدهگی بنگلادش ملي حزبی غلبهسینی تبریکلهگن بیرینچی شخصلردن بۉلیشدی.
اوشبو سیلاولر ناتینچلیک و کېسکینلیک دوریدن سۉنگ بنگلادش گه برقرارلیکنی قَیتریشی کوتیلماقده.
