پاکستان اوردوسینینگ اعلان قیلیشیچه، بلوچستاندهگی تۉقنهشوولرده۹۲نفر جنگریلر،۱۸ نفر تینچ اهالی و۱۵ نفر خوفسیزلیک خادیمی اۉلگن.
اوردونینگ بیاناتیده ایتیلیشیچه، «هندستان فتنهسی بیلن باغلیق ترورچیلر» ۱۱دلو شنبه کونی بیر نېچته هجوملر اویوشتیریب، تینچ اهالینینگ کویته، مستونگ، نوشکی، دالبندین، خاران، پنجگور، تومپ، گوادر و پسنی اطرافیدهگی منطقهلرده نشانگه آلگن.
پاکستان بلوچ جنگریلرینی «هندستان فتنهسی» دېب اتهیدی. اوشبو گروه کېچه بلوچستانده بیر نېچته هجوملر و حدودلرنی نظارت قیلیش حقیده خبر بېرگن.
اوردوگه کۉره، «ترورچیلر۱۸ نفر بېگناه تینچ اهالینی، جملهدن عیاللر، بالهلر، کېکسهلر و ایشچیلرنی یامان نیت بیلن نشان آلیشگن»
اوردونینگ بیاناتیده ایتیلیشیچه، خوفسیزلیک کوچلری و قانون اجرا اېتووچی تشکیلاتلر درحال جواب چارهسی کۉریب، بلوچستان بۉیلب قتّيق تازهلش عملیاتنی باشلشگن، نتیجهده «هندستان تامانیدن قۉللب-قوّتلنگن۹۲ نفر ترورچی، جملهدن۳ نفر انتحارچی، اۉلدیریلگن». بلوچستان آزادلیک اوردوسی ناملی جنگریلر بو رقملر بۉییچه ایضاح بېرمهگن.
شو بیلن بیرگه، اوردوگه کۉره، عملیاتلر و تۉقنهشوولرده۱۵ نفر خوفسیزلیک خادیمی هلاک بۉلگن.
پاکستان اوردوسی مطبوعات خدمتینینگ قۉشیمچه قیلیشیچه: «استخبارات گزارشلری انیق تصدیقلشیچه، اوشبو هجوملر پاکستاندن تشقریده فعالیت یوریتهیاتگن ترورچی دایره رهبرلری تامانیدن اویوشتیریلگن و باشقریلگن، حادثه دوامیده اولر بیلن تۉغریدن-تۉغری علاقهده بۉلگن».
پاکستان رسميلری دایما قوراللی گروهلر افغانستان توپراغیدن فایدهلنهیاتگنینی دعوا قیلگن. اسلام آبادگه کۉره، طالبان افغانستانگه قَیتگندن سۉنگ، پاکستاننینگ شمالي-غربي منطقهلری، جملهدن بلوچستانده، خوفسیزلیک درجهسی پهسهیگن.
