پاکستان انسان حقوقلری کمیسیونی افغان قاچقینلرینینگ طبي خدمتلردن محروم بۉلهیاتگنیدن تشویش بیلدیرگن.
کمیسیون، کۉپلب آغیر کسل افغان قاچقینلری پولیس تامانیدن حبسگه آلینیشی قۉرقووی طفیلی پاکستان شفاخانهلریگه مراجعت قیلمهیپتی دېب معلوم قیلدی.. شونینگدېک، اَیریم شفاخانهلر ویزهسیز بېمارلرنی دوالشدن باش تارتماقده.
کمیسیوننینگ قۉشیمچه قیلیشیچه، حتی شاشیلینچ طبي یاردمگه محتاج حاملهدار عیاللر هم یاردم سۉرهشدن قۉرقهیاتگنی حقیده تشویشلی خبرلر کېلماقده.
بیاناتده: «بوندهی عملیاتلر نهفقط انساني قدر-قیمتنی پایمال قیلهدی، بلکه پاکستان نینگ اساسی قانونی و خلق ارا انسان حقوقلری مجبوريتلریگه ضد کېلهدی. اینیقسه، مجبوري روشده عیاللرگه قرشی جندر آپارتاید حکمران بۉلگن مملکتگه قَیتریلسه، افغان عیاللری و قیزلری کتّه خوف آستیده قالهدی».
پاکستان برچه حجتسیز قاچقینلرنی چیقریب یوباریشنی بېلگیلهگن. اوشبو دولت برچه افغان وطنداشلریگه، جملهدن، پیاوآر کارتی اېگهلری هم 1-سپتامبرگچه پاکستاننی ترک اېتیش مدتینی بېرگن اېدی. پاکستاندهگی پیاوآر کارتی اېگهلری سانی بیر میلیوندن آرتیق اېکنی ایتیلماقده.
افغان قاچقینلرنینگ باشقه بیر قِسمی اېسه باشقه مملکتلردن باشپناه آلیش ایلینجیده.
