امریکا تشقی ایشلر وزیری مارکو روبیوهمده امریکانینگ ساغلیقنی سقلش و اجتماعي خدمتلر وزیری رابرت کندی جونیور قۉشمه بیانات نشر قیلیب، امریکانینگ جهان ساغلیقنی سقلش تشکیلاتی اعضالیگیدن چیقیشینی رسماً معلوم قیلدیلر.
اولرنینگ قۉشمه بیاناتیده ایتیلیشیچه، امریکا قۉشمه ایالتلری تیناوون جهان ساغلیقنی سقلش تشکیلاتیدن چیقیش جریانینی تۉلیق یکونلهگن.
اولر بو قرار کرونا ویروس دوریده ساغلیقنی سقلش تشکیلاتی تامانیدن یۉلگه قۉییلگن ناتۉغری باشقروو، ضرور و زودلیک بیلن عملگه آشیریلیشی لازم بۉلگن اصلاحاتلرنی اۉتکزه آلمهسلیک همده اعضا دولتلرنینگ نااۉرین سیاسي تأثیریدن مستقللیگینی نمایان اېته آلمهگنلیک سببلی قبول قیلینگنینی بیلدیرگن.
امریکا جمهور رییسی دونالد ترامپ 2025-ییل 20-جنوری کونی جمهور رییسلیک قسمیادینی قبول قیلگنیدن سۉنگ، امریکانینگ جهان ساغلیقنی سقلش تشکیلاتیدن چیقیش جریانینی باشلش بۉییچه اجرائیه فرماننی امضالهگن اېدی.
ترامپ امریکانینگ بو تشکیلاتدن چیقیشیگه ساغلیقنی سقلش تشکیلاتینینگ کرونا ویروس و باشقه یوقوملی کسللیکلرگه قرشی کورهشدهگی موفقیتسیزلیگینی سبب قیلیب کۉرسهتگن.
جهان ساغلیقنی سقلش تشکیلاتی اېسه اوشبو قراردن افسوس بیلدیرگن و اونی قَیته کۉریب چیقیشگه چقیرگن.
